[سالم علي الجرو]

اقتباس : المشاركة الأصلية كتبت بواسطة الزين يفرض نفسه [ مشاهدة المشاركة ]

دخنا من كثر الدريات ومالقيناك انت اللي دري علينا

أمس من العصر لمّان أذان المغرب وانا حول سقيفة الفكاهة , بغيت باغوزة يشرف ماحد , لكن واحد راسلني وسأل: وين انته؟ قلت له: هنا حول سقيفة الفكاهة منتظر باغوزة . قال: حيوك باغوزة واحد شافه يشوي سمك في الشاطئ . قلت أكيد الرجال مع أولاده , قال لي: لا .
طيب يشوي السمك لمن؟ . قال لي: للبيع شفته يوزن سمك ويسلخ الكيلو بمبلغ وقدره وصوته يطرد الغربان.. هنا السمك المشوي لا يفوتكم .. كنعد وهامور وعيد بالبهارات الهندية والشوي السحري على المضباة داخل قصدير , وفجأة انقطع الصوت وعلمنا إن البلدية شلوه وصادروا 18 كيلو كنعد وألف عيده وعشرة كيلو هامور .
الله المعوض