اقتباس :
المشاركة الأصلية كتبت بواسطة الشبامي
[ مشاهدة المشاركة ]
|
عوده مره اخرى ، لإلقاء التحيه على العزيز حنطبه !!
نتابع فإستمر بارك الله بك !!
|
تحيتي لك بحجم الكون ولك كل الحب والتقدير والعرفان ولك مني هدية دلالاتها أملي أن تعكس على سقيفتنا العامرة بالحب :
[]
قال سالم البدوي بلحمر :
كلمادعيت وترجيت ربي دعيلك = بالسعاده وباقي العمر توبه وطاعه
لين ذلحين ماحصلت واحد مثيلك = بالصفات الحميده والأدب والشجاعه
قال أحمد قرزيز بابلغيث :
من معزتي لك والله لنسي جميلك = وأنت سعرك غلي عندي وعند الجماعه
في نهار اللقاء مبغيت غيرك بديلك = ياظماري ويامكسبي في كل ساعه .
ــــــــــــــــــــــــــــــــــــــــــــــــــ ـــ
في موضوع آخر .
قال سالم البدوي بلحمر :
كيف باخبرك وأنت معك أمر مسبق = مننا ومنهم والدور بالدور ماشي
شلني من غرق والعيف في البحر يغرق =كل ماهو معي شله ونص من معاشي
قال أحمد قرزيز بابلغيث:
لايهمك شبه بالحمل في الحيد لبرق = وقصع الجول والراعد يحن في المناشي
وأن تحملت بالموضوع بالشان تلحق = حد يوصلك للحبشه بلاد النجاشي
ـــــــــــــــــــــــــــــــــــــــــــ
قال أحمد قرزيز بابلغيث:
يابوعمر وين العوايد الاوله = وين أتصالك يوم لي من بعد يوم
وين المخوه وين جات القبوله = وين الذي هم يحسبون الهجر لوم
لقد المخوه بالضحك والقروله = أحسن نبدل بالسهر راحه ونوم
نبغى مخوه بالتعب والهجوله = نفخر بها قدام كل أمه وقوم
قال سالم البدوي بلحمر :
حبلك قصر ماقدرت بوصه طوله = بين المطيره سوم بعد السوم سوم
والقبوله عند أهلها والقزوله = تكلفك بعد التمر عاكزمه ودوم
رأسي غلب يابوعمر ماحوله = لي في رصيدي فخر والتفريط شوم
مثل الملك صاحبك ربك زوله =لى أرض فيها ناس وسط البحر عوم
اقتباس :
المشاركة الأصلية كتبت بواسطة عبدالله بامنصور
[ مشاهدة المشاركة ]
|
قال الشاعر عبدالله بامنصور=
اليوم يمضي والدقائق هروله=وانا مكاني عادني مازلت حوم
حسفه على زين المسامر والوله=الحقد كومه والسلا الفين كوم
قال الشاعر عمر العكبري
ر
ردّوا المقارب قل لسالم مجولـه= واخشى نهار العيد لايردّوه صوم
نبغي لماضينا وحاضر جدولـه =ونحاسب اللي رجّع الأشمام روم
|