من بعد حمد الله وشكره عالنعم=بكتب وباحط النقط فوق الحروف
عن خامس الاركان سطر ياقلم =عن شهر ذي الحجة وعن يوم الوقوف
واوصف لنا مكة وماتم في الحرم =من توسعه تستوعب اميات الالوف
لا تخفي الواقع وما انجز وتم=في عهد ال سعود خدام الضيوف
اهل المعزه والمبادي والقيم =لي يطرحون الحاج مابين الدفوف
ليهم لهم عاده يوفون الكلم = في كل ماهو خير قدام الصفوف
من يوم والدهم تعد والتزم=في امن ساعيها ومن بيت يطوف
على المشاعر خير ال سعود عم= مثل المطر لي من طهوبه والقنوف
ايحس به كل حاج لا مكه قدم =لاشاف لي ما يحسب انه بايشوف
انفاق وكباري بنوها من عدم = شي منها معلق وشي تحت الكهوف
بالعزم والتصميم زاحوها قمم = رغم القساوه في الطبيعه والظروف
كم من وكم انجاز في مكه ضخم=شي منها يوصف وشي ماله وصوف
في الطيبه طيبه لنا رمز وعلم =ضم خير خلقه صاحب القلب الرؤوف
مسجد رسول الله هو الرمز الاهم=من بعد بيت الله له قلبي شغوف
منه بدت امجادنا بين الامم = وتوالت الامجاد في قهر الحلوف
امجاد يعرفها عربنا والعجم =كتبت بدم فرسان وحدود السيوف