هذه القصيده ل حسن محمد باقديم حررت بتاريخ 14/1/2013م
مهداه للشاعر والمنبر العالي في سقيفتنا العامره الشيخ سالم محمد باوزير بن احمد حفظه الله ورعاه
( بعنوان )
يامعتني خذ هرج باالمثقالي=فمي حصانه حين مانتكلم
وهبات من ربك درر ولااّلي=ماهي حصانه من حكومه واردم
في عزم تبلغ في عجل وصالي=لاباوزير الشيخ سالم ترسم
مرسمه باالقدر والاجلالي=الى مقامك ياالجناب الاكرم
ياركن شامخ تشبه الاجبالي=في صرحنا الشاهق منابر تحشم
نيه عوارضها كرع سيالي=سقيا منافع رعدها يتحمحم
وان هي غضب في نظرة الجهالي=الصبر عن وقع المصايب مغنم
والافئده بيد الكريم الوالي=كما يشاء بقلوبنا يتحكم
يارفقتي ياعصبتي وعقالي=في علبكم نوب العذيبي يرجم
ان امطرت قصدي كمل وامالي=وان هز عليها ريح ماني مهتم
باب الدعاء سهمي لكم وانصالي=باقول يامهدي عبيدك ترحم
يالله لايامصلح الاحوالي = تصلح لنا كل ماخرب وتهدم
عجل بجودك والفرج ياوالي=ودلنا عاالخير واغفر وارحم
خلقتنا من طينك الصلصالي=وبرزقنا واجالنا انت اعلم
صلاه عاالهادي النبي الغالي=تعداد ماطاهب برعد ترنم
والاربعه اهل المقام العالي=اهل الرتب يوم السواد الاعظم
يامعتني خذ هرج باالمثقالي=فمي حصانه حين مانتكلم
وهبات من ربك درر ولااّلي=ماهي حصانه من حكومه واردم
في عزم تبلغ في عجل وصالي=لاباوزير الشيخ سالم ترسم
مرسمه باالقدر والاجلالي=الى مقامك ياالجناب الاكرم
ياركن شامخ تشبه الاجبالي=في صرحنا الشاهق منابر تحشم
نيه عوارضها كرع سيالي=سقيا منافع رعدها يتحمحم
وان هي غضب في نظرة الجهالي=الصبر عن وقع المصايب مغنم
والافئده بيد الكريم الوالي=كما يشاء بقلوبنا يتحكم
والصفح عن اشياء مطر هطالي=والصمت عاالحق هاويه وجهنم
في الدهر ذا ياحسرت الابطالي=فيه الصراحه واهلها تتألم
كتم الحقائق شين جرح حالي=والصدق كتمانه سقاني علقم
لافقدت طبعي بتت في زلزالي=مانوم جاني في الغسوق الاظلم
تبقى الثوابت والمبادي مالي=لو ينطبق حيد الرضم عايجهم
عيني وطرفي في قوي متعالي=ورضاه غايه برقها يتبسم
نادي برفدك انت والابطالي=على صراطه والتكاتف منجم
يارفقتي ياعصبتي وعقالي=في علبكم نوب العذيبي يرجم
باتت مظالمكم علي تتوالي=كلين من شقه عليه يشخم
مغثور روح حين جيكم سالي=ساس البري مابينكم يتهدم
هل من مناصر يحفظ الاوسالي=صيحة نداء رعادها يتحطرم
ان امطرت قصدي كمل وامالي=وان هز عليها ريح ماني مهتم
باب الدعاء سهمي لكم وانصالي=باقول يامهدي عبيدك ترحم