[وليد حمود]

ياليت أعرف ما حصل = تروح عني في زعل
وانا انتظر ترجع قريب = وانت ولا همك اجل
::=::
تجرحني ياخل وارحمك =تظلمني وانا مااظلمك
في كل ساعة تشتكي = وتبغاني دايم افهمك
::=::
تعبت انا والله كثير = وعقلي بسبك بايطير
كانك لبعدي تستريح = بروح عنك للاخير
::=::
ببعد واخليك للجراح =وتحس بي وتقول اح
وتعرف طباعك ياعنيد = وتعرف انا طبعي السماح
::=::
من جد والله منقهر = لكني صابر ماانكسر
اصبر وانا قلبي كبير = لين الصبر مني انتحر
::=::
صدقني والله يامليح = للبعد ماني مستريح
سبة جروحك ببتعد = وترتاح مني واستريح
::=::
واعيش انا باقي العمر = اكتب واغني لك شعر
بيت(ن) يغني وينطرب = وابيات تبكي في قهر
::=::
وارجوك قبل لا ابتعد = مابي خيالك والله جد
امسح خيالي لو سمحت = واهنى حياتك وانسعد
::=::
دور لقلبك أي حبيب = يمكن تلاقيه الطبيب
يشفي جروحك كلها = ولا يزيد جرحك لهيب
::=::
انت الذي كنت السبب = في كل شي فينا انقلب
بعد المحبة والوئام = اهدمت كل شي ياعجب
::=::
اهدمت حب(ن) له سنين = في كل يوم والله يزين
ان غبنا عن بعض ليلةًً=عشنا في انات وانين
::=::
وفرحي الذي مثل الجبل = اليوم شوفه وين وصل
سبت عنادك والجروح = حجمة كما حبة رمل
::=::
ياويل حالي في غربتي = محد(ن) يداوي علتي
حتى الذي بقلبي طعن = واهو حياتي و عزوتي
::=::
والختم صلوا عالرسول = طه منير كل العقول
صلوا علية الفين صلاة = صلوا عليه في كل قول

بقلمي
15-يوليو-2011