[ملك اليمن]

اقتباس : المشاركة الأصلية كتبت بواسطة الشبامي [ مشاهدة المشاركة ]

خالد بن مهنا : - ذا خرج فصل والمعروف مرفوع سقفه بانقضي ليالي طيبه في السقيفه من معه عود يسِقِف يحفظ الراس ويكنه وسط بيت مسقوف عبدالله بن حويل : مالنا يالمريري غير عطفه ولطفه يسر العسر والنكبه جعلها طفيفه ياكريمان تلطف يصلح الحال في لحقاف بندر وباطوف سالم السقاف : بأمره الله يعم الخير في ظرف طرفه با تعود الليالي المقمره والطريفه با يزول المغطرِف لي في الصدق مالقى شي وسل له وتطروف خالد بن مهنا :- بايقع خير عاد الورخ بايجود خرفه من معه نخل لاقد حان موسم خريفه ينبسط يوم يخِرِف يعزم الناس يذبح كبش في الدار وخروف غازي عمر : جاتنا ذالسنه ماهي كما كل عرفه طست حتى المقدم ماندر مع عريفه لي بالسرار يعرف عاد حد بايرده عاد شي فيه معروف عبدالله بن حويل : ماحصل لك تراها ياكحيلان نصفه نصفت اللي ظلمته خذت ماله نصيفه رب عادل وينصف يوم ظلمك صبح بين المخاليق موصوف غازي عمر : بعد طول الضما بامد للناس غرفه والصفا الجم يكلف لادمي عا غريفه من معه غرب يغرف وينهم لي يقولو بير لقلات مغروف عبدالله بن حويل : لوه شاطر قوي والنفس من غير عفه مايلاقي محب حوله وكلن يعيفه وان تمادا ولاعف من محارم عباد الله قاصر ومعيوف خالد بن مهنا : كل بندق مع راميه يحتاج صرفه ايش منه بدون الصرف مثل الصريفه خلو الزقر يصرف لي يرجعه دكانه يخرجه مصروف سالم بلحمر البدوي: عاد عنقود في الاحقاف يتعبك قطفه لاتصدقه من الف قصص في قطيفه كل من راح يقطف ماقدر له ويكذب حينما قال مقطوف عبدالعزيز مبخوت بن شريشر النهدي: عاده الكيس فالخزنه مكيس بضرفه تحسبوها نكت شاعت لطيفه ضريفه لي بغيتوه يضرف بايجكم خبر منه وسط خط مضروف غازي عمر: لي معه ريشة القمبوس ماسمعت حرفه رغم ان الملحن طول وقته حريفه مـ التلاحين يحرف وان نطق حرف حتى الحرف ينطقه محروف عبدالله بن حويل : بايصدقك كل مرجوج وان فيه خفه ويش يخفي بلاوي فوق ضهره مخيفه مابزهدي يخفف وان تخفف عليه الحمل وش يندر الخوف عبدالعزيز مبخوت بن شريشر النهدي: نامت العين عا الراعي في الشعب طرفه لا تضنونها بهمه همل او طريفه من يبا الموت يطرف عنده السيف حق جده مجهز ومطروف محمد سعيد بن مخاشن : يا عسى للذي هو عيف ميتين نقفه ديك وحشي يجي له ذي يعوّر نقيفه حاد سنقوف ينقف والوثن بيصبِح يا خوي في يوم منقوف عبدالله بن حويل : ماتفيده ولاتنفعه حيله ولفه والحمول المطير ماتشبطه ليفه لو تحيل ولو لف القطامي على جاله ومن فوقه يلوف عمر الحبشي : كلٍ على كيفه من تقبّض بشطفه والعمد في دياره سهن ذيك الشطيفه ما درى من شطف والبلد في زويله من بلاوي الشطوف

( منقوال ) .