~~~~ بـســاط الــريـح ~~~~
فديت الساعه اللي حددت رحلة بساط الريح=فديت الطله الحلوه فديت الحب وإدروسه
فديت الموعد اللي كان قمه بمستوى التوضيح=تعاتبنا/ تفاهمنا/ رمينا الهم وعبوسه
لقينا بعضنا من غير قصد بحاجة التصليح=عفا الله عن سويعات ٍ مضت بأحوال منحوسه
جنينا ثمرة الصمت الرهيب وفرحة التصريح=ولمينا شتات اشواق كانت حيل محيوسه
وصفينا قلوبٍ قد ماعانت من التجريح=تهـنت عقب ما كانت بها الأحزان متروسه
وحلّقـنا بسمانا نحتفل بأفراحنا ونصيح=من الفرحه عسى الفرحه معانا دوم محروسه
إلتم الشمل وإتجدد هوانا بخطوة التصحيح=وتعاهدنا بعدها ندحر التزوير وندوسه
وسافرنا بخيالاتٍ تسهل كل شي وتبيح=براءتها ورقتها صدى عبراة محبوسه
رسينا في شواطي الحب والإخلاص والترويح=جنينا من ثمار الود تنهيدات محسوسه
رفعنا راية الإسهام والإلهام والتسبيح=عطينا كل شي حقه بدون إردود معكوسه
محبتنا حقيقيه ماهي صدفه ولا تلميح=محبتنا مثل شلال زاخر بالعطاء قوسه
ماحِنا مثل بعض الناس حبه قابل التمسيح=يحب إفلان ويعزه لجل مركزه وفلوسه
مجرد ماتلاقينا إنسحرنا بلحظة التسميح=وموال المحبه والمشاعر دق ناقوسه
ورفضنا العذل والعذال تدخل بيننا وتطيح=رفضنا يكون مشروع الهوا رئيس ومرؤسه
وصرنا كل ماضقنا تذكرنا بساط الريح=ولحظاته وخطواته وهمساته وهاجوسه
مع أطيّب المنى والتحيات