[الشعف]

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/23.gif" border="double,5,gray" type=0 line=200% align=center use=ex char="" num="0,black"]
يهوين ياصيفان .. قتلتك الحماله=اصبر على حملك .. تحمل به حميل
الوقت ذا وقتك .. وباتظهر رجاله=والجيل ذا لو راح.. بايتبعه جيل
باقول كلمة حق .. قط ماهي هباله=وما بدا في يوم.. كذ كنته هبيل
ظالم مقدمنا ... ولحمر به ظلاله=واثنينهم في شمس مافيها ظليل
الصيعري له قسم في هذي البداله=بس صدق يااخوان .. مارضى به بديل
لحمر اذا شل المقدم واستماله=كل الدحاميل بعده باتميل
وبا تنتهي ياخوان ايام الدواله=وبا نقع اسراء .. كما سابق دويل
حرام امتنا .. تقع بيد الحثاله=وتقودنا الحمران اولاد الحثيل
لي شرعهم باطل .. وكاذب بالحياله=بايغيرون الحكم .. هذا مستحيل
ماهو غباء مني .. حشا ماهي غفاله=بس حالنا نبكيه بالصوت الغفيل
يكفي سبوا ارض القدس .. سلبوا رماله=وحريم في عز الفرح صارت رميل
قتلوا شيوبتهم .. وما سلموا عياله=وجيران تتفرج وتضحك عالعويل
قريب نص القرن عبرت عالوباله=والمقبلات اكثر واعظم في الوبيل
نحنا تبهذلنا فشت فينا الهزاله=والذيب دايم يوكل الكبش الهزيل
لما متى ياامتي .. وين البساله=نسكت ونتفرج .. على جرح(ن) يسيل
كذ كان فينا جرح ماطقنا احتماله=اما ثلاث جروح .. مانقوى الحميل
اقصى وشلوها .. وذي دجله بغاها في مناله=والله يعلم .. لاشطح .. بايقول نيل
باصبر على صيفان .. باتحمل علاله=ارحم من الاحمر ابو القلب العليل
والعفو يااخوان .. آسف عالاطاله=ياريت كل واحد يقع باله طويل
صلوا على المختار من رب الجلاله=احمد شفيع الكون ذو القدر الجليل

[/poet]

اقتباس :

الرسالة الاصلية كتبت بواسطة جمال العطاس : الجماعه عينة بعضهم البعض .. وانته يالشعف تم متقبض بالمقدم

مانا متقبض به ياجمال ... بقدر مانا متقبض بارواح الملايين لي باتنقبض .. وقلوبنا مقبوضه عليهم .

عموما اختلاف الرأي لا يفسد للود قضية كما يقال

وكلين له وجهة نظر ... وانا احترم جميع الآراء .. جملة وتفصيلا.

واعتقد ان الفصل قد فاض وامتلأ ... فياحبذا لو تفصل اخي جمال كما بدأت .. بفصل آخر ... واذا احببتم الاستمرار على الفصل ذا .. بانطلع المخبا

تحياتي ,,,
الشعف