[مبروك بن ماضي]

فِتنتِك غير: تفرق عن جميع البنات = لجل ذلك عليك آخاف وأخشى وأغير
ودي إنّك تلميني من أرض الشتات = وتجمعيني بإحاسيسك ونسعد كثير
زِيِدي الغِنْجْ خليني أحس بالحياة = واشعر إني معك عائش بعالم مثير
الوله يرسم البسمات فوق الشفاة = وخافقي مثل عصفورٍ بصدري يطير
لا خفق قلت يالبى وكيف السوات = ألتقي بك: واشوفك بألف صحة وخير
فيني إحساس صادق لك وحب وثبات =على المبادئ اذا حبيت حِبّ بضمير
يهمني يالغلا يتناقلون الروات = قـصة العشق ذي للأولي والأخير
فتحت لك خافقي دشي بكل الجهات = لك بلبّه مقرْ دايم ومقعـد وثير
ينبض بحبه العـذري إلين الممات = يقول ياشوق قدرك دوم عندي كبير

[/QUOTE]