هذه الزوامل في زواج الشاب مرعي بن احمد بن سميدع في الشمريه بصاط ال سميدع
بين الشاعر مرعي بن صالح بن سميدع والشاعر طالب بن حسن باتيس ابوراضي
في شعبان 1431هـ
مرعي بن صالح بن سميدع=
حياء وسهلا بالقشاع الموفيه=حيابكم ياذي وصلتونا طروش
لشمريه من حيث قادة للويه=ذي يكسبون إلا المقوب والكنوش
طالب باتيس ابوراضي=
مني سلام الفين واثنعشر ميه=يالصف لول ياتقاديم الجيوش
من شان مرعي جيت لما الشمريه=من حد محمي بالكواسر والوحوش
مرعي بن صالح بن سميدع=
حياء وسهلا بالذياب العاويه=ذي يوخذون الهوش عامن بايهوش
من عندكم لبغاء خبار الساعيه=يالله عسى قرصانها ناره تكوش
طالب باتيس ابوراضي=
ياذي تباء لخبار ماشي عافيه=مادام عاد النوب يامرعي يغوش
سبه علينا والسبب باداهيه=ذي يدهق الغشمان فيناء والخبوش
مرعي بن صالح بن سميدع=
نحن بلينا في عصابه مافيه=وفرادهل شارون وبريمر وبوش
ذي طرقوا فهل المدن والباديه=واستدرجوهم بالدراهم والقروش
طالب باتيس ابوراضي=
السقف خاوي والمباني خاويه=والغيث مقبل والزواخي والطشوش
عندي وعندك كلنا في الهاويه=لاتحسب انه كل شي عندك يقوش
مرعي بن صالح بن سميدع =
مانا معي مخلوق ملقي داويه=منه كبود الناس ياطالب تحوش
بيده وتحت امره ثنعشر داعيه=يستقبل الاخبار من عبر الدشوش
طالب باتيس ابوراضي=
صاحبك مش سيد ولا هو زاويه=صاحبك يامرعي كما هام العشوش
يضحك على اصحاب القلوب الغاويه=خله يمررها على كبار الكروش