سقيفة الشبامي - عرض مشاركة واحدة - صوت وصدى بين ( عمر الذيب ومبروك بن ماضي )

**مبروك بن ماضي** · 03-31-2007, 09:24 PM

الصوت من الأخ الشاعر الكبير / عمر الذيب الذي شرفني صباح هذا اليوم
بهذة القصيدة الجزله 0 وأعترف هنا بضفي الكبير في شعر الرديات ويمكن هذة أول مره
أحاول فيها كتابة هذا النوع من الشعر شاكراً للاخ عمر ماتفضل به
واترككم مع الصوت والصدى آمل ان يحوزان على رضاكم

الصوت من الشاعر / عمر الذيب


	مبروك بن ماضي خبرنـي ماحصـل ياصاحبي حط النقط فـوق الحـروف * واسرع وجاوبني بسرعه فـي عجـل لتقول خلوها علـى حسـب الظـروف * هل شي خطاء من هاجسـي والا زلـل او جبت قصره في الرجاجيل العروف * مشغـول يامبـروك والعقـل انشغـل وامسي على ماقلت في الصفحات طوف * فكـرة وتمعنـت فـي كـل الجـمـل وصبيت وتحسيت في كـل الوصـوف * ملحقت شي ماهو سـواء ليـه الزعـل ليه التوقف حيـث ممنـوع الوقـوف * وان كان شي عا لسان غيري قد وصل كله يجي الوقـت واصحابـه عيـوف * لن الزمـن ملعـون واهلـه محتمـل يلقـون فتنـه بيـن عينـك والدفـوف * الكـذب فيهـم والمكـايـد والحـيـل والغش فيهم حسـب ماعينـك تشـوف * كل امر جايـز مـن خبيثيـن العمـل من بعد ماغشو البغيـه فـي القـروف * بالغـش يامبـروك قـد ضاعـة دول واوطان قال الذيـب ونهـارة حلـوف * وانك تباء شي عـدل يازبـن العـول بزقل بجنبيتـي لـي بيـن الصـروف * وان ماكفت مفتـاح بـو اربـع عجـل والنخل هو والمال لـي بيـن النيـوف * وانكـان حـد زور حضرنـا للقـبـل لو كان مـن زور بلحسـاء والهفـوف * حذراه لي غشـوك ياقـرص العسـل زعابة الكلمان واصحـاب الوصـوف *** مغـلاك يالغالـي علـي مابـك بـدل ياطول سبعه لـي مكانـك عالكتـوف ------------------- الشاعر / عمر الذيب

الصدى : من مبروك بن ماضي


	حيا رحب بابيات من شاعر سأل عني ونا دايم لأخباره شَغوف * الشاعر اللي له وسط قلبي محل لا ذُكروا الشعار ذِكره مايطوف * شاعر علم نضرب بأشعاره مثل فالدان والزامل بخصمه مايروف * والنظم عند الذيب كامل مكتمل استاذ في سبك القوافي والحروف * يعجبك بو طارق عمر من حيث حل بالذات في الميدان لا قامت صفوف * يوخذ ويعطي مايكل ولاّ يمل لله دره له نكررها أُلوف * حياك يابن الذيب : صوتك لي وصل يالشاعر اللي ما توفيه الوصوف * حاشى وكلا مايجي منك الزلل والمعذره لاشفت من جارك عُزوف * باسباب ضيق الوقت وضغوط العمل وألاّ ترى مانا عن الصاحب نكوف * نحنا جماعه ياعمر ، أخوه ، واهل وماشي من اللي به تفكّر أو تشوف * قدرك على رأسي ونجمك ما أفل ولاصاب شمسك في سماء فكري كسوف * ماباتسمّع هرج عاذل أو نذل أو من يغشون العسل وسط القروف * صاحبي لايمكن ابدل به بدل وإلا ترى ماشي على غيره حسوف * وآعوذ بالرحمن من ذكر الدول ذله ، خيانه ، غدر ، وصراع وحُتوف * مالي بمن فيها طلع ولا نزل من بعد ( يوم النحر ) نصفق بالكفوف *** هذا جوابي واطلبك مني قبْلْ عذري ومن غيرك يقدر للضروف ------------------------- مبروك بن ماضي