القصيده بعنوان( نعش وتوابيت)
يالله ياعام بجهري ومااخفيت = يارازق طيور الخلا في خلاهم
تحفظ بلادي لي عليها تربيت = والجرح يبرى بالدوى والمراهم
يالله تثبتنا على الحق تثبيت = يوم ان بعض الناس زلت خطاهم
لي ولعو فرض اليمن عود كبريت = وشردو اهل القرى من قراهم
ماني بناقص شوف نعش وتوابيت = يكفي كفى من قتل يكفي كفاهم
يكفيني اللي شوف في ارض تكريت = والقدس حيث اهدر عدوي دماهم
لكن عاد الحق ياعالي الصيت = عليك يامن قد عطاهم هواهم
يالقايد المغوار لنك تماديت = انت الذي وصلتهم مبتغاهم
لوكان بالمخلع ضربت الجرانيت = ان كان حطو يدهم في عشاهم
وان كان سمعو يوم للسلم ناديت = لي مثلهم ماحد يدور رضاهم
ماهم جنود الله بل هم طواغيت = تالي زمن وصل بنا مستواهم
يامن على عرض الصحابه تعديت = عرضي وروحي يشهد الله فداهم
انته غبي خاين ومنك تبريت = براه من لي يعبدون الدراهم
منته من ال البيت والا من البيت = انته شقي جاهل وعربيد واهم
من كل لخلاق الكريمه تعريت = واللي مثيلك حد ربي جزاهم
كل الخطوط الحمر منها تعديت = الفرس يدعونك وتمشي وراهم
واهبوك في شرك الشبك ماتبديت = لما غزيت المملكه في حماهم
واليوم ماينفعك ياليت ياليت = من بعد مادورت دفة رحاهم
والقوك مابين الصروف المثابيت = ماعندهم فلخط لحمر تفاهم
يالبوم تبقى بوم وان كان فريت = بين الصقور الجارحه في سماهم
مكانك الا العش بين الكتاكيت = توكل من الحاصل وتشرب معاهم
وان كان قد شفت البروق المناكيت = ذولا جنود الله وهذه حصاهم