11-20-2010, 09:17 PM
|
#36
|
شاعر السقيفه
|
اقتباس :
المشاركة الأصلية كتبت بواسطة أحمد العمودي أبوفيصل
[ مشاهدة المشاركة ]
|
لاجل السقيفه جيت بنظم قافيه = باخص بها الحلان والسيد عقيل
اهل المروه والشروع الوافيه = لوقلت مهما قلت في الصاحب قليل
ولد الشبامي لي بنيه صافيه = اسس لنا ذا الصرح لي ماله مثيل
نحن معه في لوله والتاليه = الصرح ذا مابانبدل به بديل
يكفيك اسمه من شبام العاليه = مشتق من التاريخ والرمز الاصيل
لي صيتها في ألارض ملقي داويه = أم اليتامى صيتها يرقل رقيل
هذه سقيفتنا عكاض الثانيه = لي مقصد الشعار من زامن دويل
ربت من الشعار كم من داهيه = لي يطرحون الوزن في الكفه ثقيل
حلانها أهل القلوب الساليه = أهل الكرم والجود وألشرع الطويل
عذب ألقوافي عتمها والساقيه = وشعارها لشعاب لي تمسي تسيل
وسيولها تاتيك من كل ناحيه = نزل السحاب الزين لي يهمل هميل
صافي كرع طب القلوب الضاميه = لي يشفي المارود والقلب العليل
هذه سقيفتنا حلال العافيه = مابيتركها من عرفها مستحيل
هذه السنه ظهرت بصوره باهيه = بعد انتخابات المعلم والقبيل
والفضل لأصحاب العقول الزاكيه = أعضاء أدارتها وبوصالح عقيل
عقيل لي خلى الكفف متساويه = بالعدل ماكفه على كفه تميل
|
هذه مشاركتي النهائيه لشهر نوفمبر بعنوان ( صرح الشبامي )
|
|
التعديل الأخير تم بواسطة باشراحيل ; 11-28-2010 الساعة 12:21 AM
|
|
|