هذه القصيده للشاعر محمد عوض الحباني القيت في مقتل
ابنه عبد الرحمن
---------------------------------------------------------------
ب /س بسم الله ذي منه العطايا والمنن=يعطي ويتكرم على عبد بجوده والحسان
راجين منه الصبر في الدنيا وفي طول الزمن=يستر عيوب العبد ويفرج همومه والحزان
صلاه مادارت كواكبها غلى جد الحسن=شفيعنا ورسولنا هو جاب تحقيق البيان
وأله واصحابه عدد ماغصن في شجرته دن=وما نتخ صاري وعشق فيك يالبحر الملان
سلام لك يابيت يامشخص ذهب ميزان من=يالحبشي المشهور لك شجره مدنه بالغصان
الليم والتفاح فيها والخضر فيها سكن=مسكن رجال الدين والاشراف والناس الزيان
ترحيب لك تقدير لك ياسهم من تحتك سفن=ياكنزنا ياذخرنا ياسر مطوي في الثبان
وسلام عالجمهور من شاعر حوى عاكل فن=ميزان في يده ويوزن بالفلراسل والمنان
وعلى رجال تريم بالبرميل ماهو بالقلن=ياحي اكتوبر اصل لك شان ارتفع ياخير شان
قل دان ياعبيٌد حفظك الله شل صوتك وغن=شف هذه الدنيا مشاكلها تصيبك بالجنان
يقول من بيٌت يكيل الليل قلبه في حزن=له قلب موسف والوجع مابين جسمه والمتان
يشرب صبر ذباح مايشرب معسل اولبن=في ماحدث في ماجري يشهد لنا انسي وجان
ارتجت الدنيا من المشقاص الى بندر عدن=ومن المكلاء لا عتق لا القطن لا هذا المكان
ياأهل سيون الطويله عاد فيكم حسن ظن=مظلوم بوناصر من الباطل ومن جور الزمان
من زمرت العدوان والاجرام هم اعداء الوطن=وهم عداء للشعب فيهم خوف مافيهم امان
المعتدين المجرمين اجرامهم كالرعد حن=سمعت به الاذان والابصار نظرت والعيان
الظالمين الاثمين ماجاز لهم حتى الكفن=حتى الصلاه تحرم عليهم والبصيله والكفان
ياامننا ياجيشنا العملاق شكوتنا لمن=ياثورة الشعب الابي درعك من الماطر كنان
اول جريمه فيك يالعهد الوفي وانت الوثن=وانت العداله والوفاء والحق لك والاطمنان
ياشعبنا الغالي حماك الله من كل المحن=ومن المصايب والجرايم والاذى والامتحان
ياشعب غالي ياعزيز النفس ياجنوب اليمن=يالسيف يالقطاع يالمسقول يازين السنان
كرامت الانسان في حياته وفي سبيل الوطن=وفي الشهاده لي عليها دين من عز الديان
بالصبر بالايمان بانقضي على كل الفتن=وبالعقيده لي عليها ركن من عز الركان
قبلت رسول الله كعبه غاليه مالها ثمن=الركن يحميها وفي الحق واضح والبيان
والعفو يالخوان شوقلبي على المفقود حن=نيران في جوفي على اسم الشهيد عبد الرحمان
وربنا مابايخرب حال يابن أدم تأن=لاتكون مستعجل يبان الحق لا أن الاوان
والصدق يعلى وانما الباطل في القاع اندفن=والحق مايفنى يجي في سبع والا في ثمان
وذي بغاه الله حيابه وياغافل ذهن=والصبر مفتاح الفرج تشهد يساري واليمان
والناس فرحوا بالسمينه لي ظهر فيها السمن=ومن صرط مغظاف بايقذفه وشهد يافلان
والليل يالشعار شو موس الحلاقه عالمسن=اسفا على كشمير لا دخلت حدود البونيان