[مبارك بوشندل]

هند ماتت
======
رائعة من روائع الشاعر الفذ القحم العمودي
صح الله لسانه وأعلى شانه.
*********************
هنـــد مـــاتت ونعرف هنـد واللي قتلها
يستحي الجوع ان يغتال حلم الطفولة

غيــــر انه سبب وان مـــــاتصدق سالها
واسال ام هنــــد يمكن عنــدها ماتقوله

كـــانت أسبـــاب واتسبب لهــــا وافتعلها
اسم رجــــــال بس مـــافية ذرّة رجوله

كــــان فيـــــها البطل ولكل قـصة بطلها
واشترك ناس جــــم فيها بدورالبطوله

والسماء فوق سطح الأرض صبت فشلها
والفشل دار مـــن فـوق اليماني وحوله

والسعيده لقوها شـــــاة من جــــاء وكلها
عندمـــا صرت يالراعـي عليــها حمــوله

يلعن الحـــرب دي تقتل مــــبادي دولها
والعن الرئس اللي يقتل احــــــلام دوله

اليمــــن كـــــلها لابـــــد ترمــــي ثقـــلها
خلف هندٍ (ن) وكل الشعب عرضه وطوله

كان مــرت على ابن اليمـــــــن او خذلها
بعـــد ذا اليـــوم كل ما جاء عليكم قبوله

ايش باقــي لنا حتـى الكـــــرامة غسلها
فــــوق شط العــرب من حيث يغسل رجوله

عهــــد بالله كلما قـــــدرت فيــها فعلها
لو ابيع الحكــــــومه بيع وآخــــذ عموله

للغبـــي للــــــردي للي مبــيّن خــــلـلـها
المهم والاهـــــــــم للشعب وفّــــر سيــوله

راح فكــــري لحــــريتي فـــي معتـقـلها
وانتشت به وثارت له تحيي وصــــــولـــه

واقسمت ان حــــرفي كل بقــعه يصلها
يجعل الصمت فيها صوت صاخب وضوله

واقسمت ان شعري لاجــل هند ولاهلها
يرتسم نصب تذكاري على كل جـــــوله

يادمـــــوع الاسى المتحيرة في مــقلها
فيك سيل العرم وفيـــــك ملـــــح البطوله

ياشـــرارة جهنم دمـــــــع حــــره شعلها
لاجل يحـــرق نفايات الوطن في حقوله

والحديد القـــــوي النار لــــــــو مادخلها
مـــاوقع سيف يوم الحرب تصعب فلوله

االشاعر القحم العمودي