[بن احمد]

اقتباس : المشاركة الأصلية كتبت بواسطة الوزيري [ مشاهدة المشاركة ]

رب يارب عبدك رافع الكف داع=مالك الملك مسقي الارض والنبت ماه مخرج الحي من ميت ومطعم جياع=رازق الطير وتدله وتسمع نداه اسألك يامن اذا عبدك تقرب ذراع=تقربت له باع من فضلك تلبي دعاه ان تجعل الخيرلي وافر بدنيا المتاع=اعيش عيشه هنيه في سعاده وجاه يامن برحمتك تغفر ذنب من جى وطاع=امرك وماقال خاتم الانبياء في هداه ياكريم العطاء احمدك في كل ساع=عاكثر فضلك علي في صبح يوم ومساه وبعد ياهل المعاني جيت اباكيل صاع=للذي دوب حارمني مقل بعطاه خوي ماهو شقيقي من مخوة رضاع= يامرويحكم ورافع فوق راسي عصاه ان جيت بشكي نهرني قال ناوي ضياع=اسم القبيله وقصدك يفرحون العداه واليوم فجوه كبيره بيننا واتساع=والنصح قفل بوابه وكل شي عاهواه المشكله في حقوقي كم شراء وكم باع=ولايحاسبه منصح وكل ارثي معاه وقوم حوله يغطون الحقيقه بقناع =بقصد نيل المغانم ويظن انهم حماه عانيت اعوام واصبرعاسنين الصراع=لي كنت مسلوب فيها حق واجري وراه حتى ظهرلي امل في الدرب مثل الشعاع=خلاني انطق لعل للجرح نلقى دواه عدى زمان الطفوله لي بها الانصياع=واليوم قدنا بسن الرشد عندي دراه والخوف لانته زرعته من نماره وسباع=بشان يجدي وفكري كل فعلك قراه حاولت في مامضى اكتم ولكن شاع=الامرعند الخلايق وكل واحد حكاه ريتك محايد معي باقول صادق شجاع=تحفظ امانه بيدك ولاتجالس وشاه بعدوك عني ولاتنصت لشكوى استماع=وابقيت اكتم وفعلك قد بلغ منتهاه لكن بعطيك مهله ان كنت عاقل وراع=تستغفر الله وتنصف اذا تريد النجاه ترد حقوق الذي امنك في كل قاع=ولاتكابر لان الكبر غيرك نهاه واقبل الى الحق بنيه صادقه واندفاع=بنقول تائب رجع للحق والله هداه والختم صلو على احمد لي دعاء لاجتماع=امته عادين واحد ولادين ثاني سواه

كلام ياولد عمي كلام مليان وكله حكم والله يرد الحق الضايع الى صاحبه ويهدي العاصي قل امين
ولعاد نوصيك ترى المخوه تسوى كنوز الارض والنار ترى ماتحرق الا رجل واطيها سجل اعجابي بكلماتك
ومروري من هنا واقبل دعوتي لزيارة ركني المتواضع ركن الموال في هذه الصفحه مشاركا وضيفا ومضيفا
املا منك تلبية الدعوه حسب ظروفك جّر لك معنا كم موال وما تضيق الا وتفرج وياذن الله بالفرج
تقبل تحيات اخوك سالم بن احمد بن جنيد باوزير