اخواني اعضاء سقيفة الشبامي استميح العذر منكم بتنزيل هذه المساجله
الشعريه التي كانت بيني وبين الشاعر صالح احمد باعجره
وكانت عبر رسائل الهاتف القصيره ، اتمنا تنال رضاكم
أحمد باعجره المشجري=
من المهد ابتدينا في شجون العشق والذكره = لها موقع ثنائي مرتبط باالقلب والصمام
وقلب العاشق الي في حياته تاه با الحسره =وريته يوم لاكن المشقه عام يلوا عام
وذلا جامل الموجود سد الناس والكبره =ولاكن لاقفو سالت دموعي غصب وستسلام
وهيهات المفارق من هواكم مل من صبره =وحالفه السهر من فرقة الغالي حمد مانام
وروتين العذاب الي مشا في درب باعجره = وسيطر عا مواقع غامضه لأن للزمان احكام
صالح باعجره المشجري =
مراحب با الذي جاب الصدف والول من بحره =وجاب اكلام غالي فوق صدري بالقيه اوسام
وبحره ماتقايس مستوى مده ولاجزره = ولبغيت اليمن امواج بحره توصلك لشام
ونا مع كل كلمه من كلامك عود الكره =بتفسيري لها ولقي عليها علامة استفهام
وطلعتلي النتيجه صاحبي مابينحفر قبره =لانه شخص ظالم ماترك فقراء ولاايتام
وعاد المشكله انه على وعده طبل نحره = وياريته صمد حتى على رايه ثمان ايام
و لكنه رجعلي باالعثر كل يوم له عثره = وقسملي بلادي كل مديريه قرى وقسام
ونا من حضرموت الخير ماني مبعد المهره = مكانتها مثيل القطن عندي ياحمد وشبام
احمد باعجره المشجري =
رحب باضيفك عا بن قبلي ون تبا جبره = وبلقيلك ضيافة خو علي سالم لبن همام
كلفت الهيج يلقيلك في الساعه مية عصره = وتبغاني ركب فوق الجواد الي بدون الجام
وهم حاشا وكرم ماتجي من عندهم قصره = وذلا تعتقد في هرج كله مصدره لوهام
صالح باعجره المشجري=
تعبني بن مسلم ذا السنه ووحلت في امره = مسوي لي عجاء حتى ولو رايي سوا وتمام
وذكرني قضية حرب حصلت في بني مره = ولاشي شقبي الا قتال الزير مع همام
وهذا فعل ماضي انتها با الحزن والحسره = ووقت الجاهليه انطوت صفحته باالاسلام
ونا حاسب حسابي في الميه مانقص العشره = وقصدي والهدف ع الجوهره ديهي براس الهام
وبعض الناس لصغيت لكلامه او تبعت اثره = بيطلع اسم لي في جريدة الثوره وفي ليام
مطالب في قضايا للحكومه ياحمد خطره =معا دي يملكون الاسلحه واهل المبيد السام
احمد باعجره المشجري =
طباعك غامضه في من تحب ولا لمن تكره = ونا عكسك بنيه صادقه ومشي على قدام
ولاكن تشتكي من بن مسلم نكرة النكره = لإنه شخص طيب يشهدون اخوال له وعمام
وهذا معترف في المجتمع كل شي على بذره = وجد عزام ميتت والخلوفه بن بنه عزام
ويكفي لاهنا يابن حمد من موجز النشره = عرفت ايش المفصل والخصوصي قبل شوف العام