[باغوزه]

اغلق شارع الملك خالد لاسباب ان سيارات الدفاع المدني اللي جايه من الجهة الشمالية لاتواجه الاختناق في الشارع الاول
المرور عمل خطة نجحت في مجملها بحيث حول مسار الشارع الاول عكسي الى ان ينتهي مرور سيارات الاسعاف والكهرباء
السيارات القادمة من الخط الساحلي تم توجيهها الى شارع الكورنيش وهناك انسيابية ولم تسجل اية حوادث حتى الان
النفق مغلق تماما وتم تحويل السيارات اقادمة من الخبر الى جهة عبدالله فؤاد والاسكان

كل هذا بسبب تصاعد الدخان من بيت باغوزه وروائح اشتبه فيها انها سامه ( كيماوي )
انا بصراحه جيت من الشغل حصلت 28 سيارة مطافي و 7 اسعاف و 3 كهرباء و4 سيارات حق ال الحبحب و2 سيارات آل بو عشره
القصد اني فزعت لما شفت هالسيارات تحت بيتنا ودخلت نخب واللى يقول لى سلامات سلامات الله يحفظكم .

الكهرباء مقطوعه لكن الرائحة اللى اشمها رائحة غير ولا علاقة لها بالكيماوي ولا بالروائح السامه
حصلت 8 هنود في الدرج مصروعين مزقلين مساكين وشقعتهم في عجله عشان الحق على الاولاد عسى مافيهم شي

عموما الموقف صعب وماتسمع تحت الا ويو ويو ويو ويو واصوات اجهزة النداء من المرور : اطلع ياراعي السوبر بسرعه تحرك
لاتوقف هنا .. وذاك لى يصرخ : اقفزوا في الحوش .. وين السلالم .

دخلت البيت والمفاجأة كانت مذهله حصلت العيال يلعبون في الحوش الخلفي والتنار فيه ماشاء الله حوالي 14 مشكاك عيد سمين شي يقطر من الهومليه
والرائحة واصله الى عند برج الجفالي .. سالتنى الحرمه ايش الاصوات هذي اللي برع وهي فوق التنار .. قلت لها ماعليش منهم هاذولا بس عشان فاز الاتفاق على الرائد البارح عاملين مسيرة .

طيب الحين ايش نقول للجماعة اللى تحت ويو ويو ويو ويو ؟ مايعرفون شي اسمه عيد والا دهره
المهم مسكت الرئيس حقهم على شق وقلت له الجماعة هاذولا صرفهم ورجع للغداء ياشي ياشي يزبد من السمينه .
قال مافهمت عليك ... قلت له اسمع كلامي وروح الجماعة وتعال
والى الحين وانا معاينه ولا رجع

لايفوتكم العيد هالايام في سوق السمك والله يالقشره تختلس من نفسها تقول الا فستان هيفاء وهبي . شي على كيفكم وعاد معه شوي بقل وبسباس احمر والله ولا في المحط