[الخليفي الهلالي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ضاقت علي لرض الوسيعه=محّصتني يا البعد محّاص ونّيت وأصوابي فظيعه=قلبي يدق تحْسَبِه رقـّـاص والعشق في قلبي طبيعه=وكيف با نقـّـصَه نقـّــاص؟ يا الذيب شي بلسم تبيعه=صرّح ولا ترسل على الخاص كلن يحامي عا ربيعه=عارفك صاحب عهد وإخلاص بو فضل لا تقدّم ذريعه=في العشق لك خبره وقنـّــاص ما تتفق سنّه وشيعه=وإنته فهم يا عمرو بن عاص جيتك وخطواتي سريعه=رقـّـص كما الحشوان رقـّــاص ما اخلف ودايم في الطليعه=بن عمرو نا ترباة مشقاص حيا بلبيات البديعه=جتني عسل مصبوب وقراص من عند بو صالح وديعه=بن يافعي حمصه حماص بانشتري مابانبيعه=مابارخص ديمنه والهاص مابيني وبينه قطيعه=لالي ولا له في التملاص سبعه هواجس والمطيعه=بايرصصون الرد رصاص نفسي كما نفسه وليعه=في معرض البنزات و الشاص من روس وديا ني الفريعه= ماباضوي من دون مقناص من شان لي حبه وطيعه=باحوص الاراض حواص ذاباب والثاني صريعه=باتعرفونه يهل فلحاص كذبك على الشيعه تشيعه=وانته على شيبانهم فاص هذا الذي لك نستطيعه=بن قلص الاضرار قلاص مابينكم ياخس صنيعه=في خبزكم لثنين فراص اما البلاسم للفجيعه=ماشي عسل من دون قباص

في الأعلى بدع الشاعر الكبير محمد سعيد بن مخاشن ويليه جواب الشاعر عمر بن سالم الذيب
يقف الأنسان متعجب من روعة الكلمات الجميله والمعاني البديعة شي لم نقرأه منذ فترة بمثل هذا الأبداع والجمال

يعطيكم العافيه ؛؛؛؛؛