ياطول بعدك يالمسافر عن الدار=لاشفت كل انسان ضاوي لداره
البعد ظالم والمقادير تختار=تختار حد من دون حد مش خياره
والصمت مثل النار والشوق له نار=والمغترب مسكين مكوي بنارة
والعمر فاني والملايين عبار=يافاهم افهم من صحيح العبارة
دنيا حقيرة ماتظلي لتجار=قد باعت الفقري ومولى التجارة
والمغترب لوغاب من كل الانظار=اكيد اهله كلهم بانتظاره
امر علي ماشيت لو كنت امار=تستاهل الاشيخ فوق الامارة
لاتعتذر لي ماتقبلت لعذار=والشهم كلماته دليل اعتذاره
يافاهم القافي وسامر وسمار=سلام مني خص وادي سمارة
وادي يربي له ذئابه وانمار=سلام للوادي وكل النمارة
ياعز راسي لاقد الغيث مدرار=ياعزوتي في كل لفه ودارة
فيها رجال الطيب ياكم مغوار=تحضر مع الغازين في كل غاره
سلام لترابك وطينك ولشجار=واعلى الجبل والشعب دنت شجاره
وان جاد سيلك بالحجل تطلع اثمار=تثمر ثمر زاحي ويقطف ثماره
هذا كلامي لك وقولي ولشعار=والشهم يصبح موطن اهله شعاره
والحب للاوطان من غير معيار=كذاب من قد قال قسنا عياره
يعمر مع الانسان من دون عمار=بدايته طوبه وتالي عمارة
والختم صلى الله على خير الاخيار=محمد المبعوث تم اختياره
للشاعر حيدره بن قطمان