[عبدالله الجعيدي]

(((((( ----- صوتك ملك قلبي ----- ))))))

صوتك ملك قلبي
------------------

صوتك ملك قلبي وعقلي والإحساس= يا شمس دنيا العاشقين وقمرهــــــا
يا زارع البسمات في قمة اليــــــــأس= يا نازع الآلام من مستقرهـــــــــــــا
يا من تنقط شفتك دُر والمــــــــــــاس= لولاك نفسي حزنها ما هجــــــــرها
صوت وصدى شمّيت به طيب الأنفاس=كسر الخواطر في ثواني جبـــــــرها
طيّب ومتواضع وراقي وحســــــــــاس=كل الحواس الخمس طيبــك أســرها
ما للوفاء عندك وللعطف مقـــيـــــاس=حبك ملاء كل القلوب وغمـــــــــــرها
حب(ن) قرع في خافقي كل الأجراس= صعب الحواجز في ثواني كســــرها
من خلف مسقط يا حبيبي لمكناس=كفّك قطف حلو الورود ونثــــــــــــرها
وأصبحت للإبداع معلم ونبــــــــراس= ما خاب من يتبع خطاك وأثرهـــــــــا
العين لك مسكن والأهداب حُـــراس=حتى ولو تفقد عيوني بصـــــــرها
=شعر / عبدالله مبارك الجعيدي

ما بي اشوفك ما بي اشوفك ما بي اشوفك ما بي اشوفك ما بي اشوفك ما بي اشوفك ما بي اشوفك ما بي اشوفك

ما بي أشوفـك
---------------

ما بي أشوفـك وما بـي اسمـع أخبــــــارك =ارحل من اليـوم عـن دنيـاي وأنسانــــــــي
كمّـل حياتـك مـع غيـري ومشـــــــــــوارك =وأنا حياتي بـدت مـع واحـد(ن) ثانــــــــــي
غابت نجومك وشمسـك وأنطفـت نــــــارك = ما عاد باقـي محـل(ن) لـك بوجدانـــــــــي
حرّمـت أناظـر بعينـي حـي بـــــــــــه دارك =وامشي على درب لك فـي يـوم ودانــــــي
عفتك وعفت النظر فـي قافـي أشعـــــارك =اللـي عليهـا مـن أول ركّـب الحانـــــــــــي
خلاص ما تطـرب أذنـي نغمـة أوتـــــــــــارك =وأعذب صدى صوت لك ماهيج أشجانـــــي
اسمـك مسحتـه مـن الخفـاق وأثــــــــارك.=ما عاد ينبـض وريـدي بـك وشريانـــــــــــي
أفشيت سري وأنا لـو بفشـي أســــــرارك= مـاراح لـك يلتفـت قاصـي ولا دانــــــــــــي
بحري أنـا حلـو وانتـه علقـم أنهــــــــــــــارك =عيت على ضفة(ن) لك تنبـت أغصانــــــــي
حاولـت مـن دون جدوا.غيّـر أفكـــــــــــــارك =من فيه شي فيـه يبقـى طـول لزمانـــــــــي
حرصك على المشي عكس السير وإصرارك=خـلاك تقضـي سنيـن لعمـر وحدانــــــــــي
لا تعتـذر لـي . لنفسـك وفـر أعـــــــــــذارك=وابعـد ولا تحتفـظ باسمـي وعنوانـــــــــــي
ماهمنـي مـوجـك العـاتـي وتـيـــــــــــــــارك= (رح منـت أول وآخـر مــن تحـدانــــــــــــــــي)
=شعر / عبدالله مبارك الجعيدي

حضرموت حضرموت حضرموت حضرموت حضرموت حضرموت حضرموت حضرموت

((الي ابناء حضرموت))
-----------------------

يا حضرموت أحزنـــي=لمـــان حــد يعتنــــي
=بش من عيال الحلال
لي ظللتهم سمــاش=وترعرعوا في حمـاش
=ردوه بـــدرش هــــلال
ما حد تخبـــر عليـش=والا بنى فيش جيـــش
=يحميش عنـــد القتـال
كلن بغـــى لـــي بغــاه=منّش ويمنــع هــواه
=لاهب نـــود الشمـــال
راحـــوا هبــــا كلهـــم=يــــوم أنتخيتــي بهـم
=وانتي بش السقم حال
باعوش دون اي ثمــن=لهل الحيــــل والفتـــن
=مكسب بلا راس مــال
هذا هو اللـي حصــــل=وابغى الرسالة تصــــل
=للأوديـــــة والجـبـــــال
يمكن وطنهم يضيــــع=لو ما حموه الجميــــع
=من كل مرتد وضـــــال
لمـــا متـــــى نائميـن=يا اهلنا الطيبيـــــن ؟
=ردوا على ذا الســوأل
فرصه بها النصــر لاح=والقطع فيهــــا مبـاح
=من بعد ماهـو محـال
مرت عليكـــم سنيـن=على الغثاء صابريـــن
=والظلــــم والاحتــــلال
وضع الوطن مايطـــاق=دم البـــري فيــــه راق
=بارماحهــــم والنبـــال
لاتتركـــــون البــــــلاد=في يد رمـــز الفسـاد
=والنصب والاحتيــــــال
كونوا لهـا مخلصيـــــن=في كل ساعة وحيــن
=بأموالكم والعيــــــــــال
لبــــــوا نـــــــــداها اذا=نادت وحســــت بـــاذا
=ياهل الشروع الطــوال
سيـــروا بهــــا للامـام=لاتفلتـــــــون الزمـــام
=في شمس والا ظلال
يكفي من اللي جـرى=لاترجعــــــوا للــــــوراء
=حتى اذا الدرب طــــال
مدوا لبعــض الكفـــوف=واتوحدوا في صفـــوف
=لا حان وقــت الــــنزال
مابيــــــن هـــــذا وذاك=والمشتري والسمــاك
=لا ينقطـــــع الاتصـــال
لاتنكشـــون الجـــــراح=مــــاراح يانــــاس راح
=وانســــوه قيلاً وقـــــال
لازم يكــــون الـــــولاء=للأرض وألا فــــــــــــلا
=ياكامليــــن الخصــــال
ارض اهلنـا والجــــدود=لازم الينـــــا تعــــــــود
=حصيانهـــا والرمـــــال
قبل انفلات الامـــــــور=في برّها والبحــــــــور
=اقصوا خبـاث العمــــال
لي ماهو مـــن ثوبــنا=له لايجـــــي صوبنـــا
=وان جاء يشد الرحـــال
كل من يحل الحـــــرام=مايستحــق الاحتـــرام
=لو كان عم(ن) وخــــال
قولوا لدانــي وقـــــاص=القهر ولّى خـــــلاص
=والظلم ما له مجـــــــال
والنصر مهما حصــــل=بـــــه مانبـــدل بـــدل
=لو لجله الــــدم سـال
=شعر/عبدالله مبارك الجعيدي

عين الجعيدي على دسمال من بونـــه * ياهـــل الريالات منـــــي لا تشلونـــــه

(( --- الدسمال --- ))
---------------------

عين الجعيدي على دسمال من بونـــه =ياهـــل البقش من مكانه لا تشلونـــــه
=علقت من بعد ما شفته عليه آمـــــــال
=من فضلكم للجعيدي خلوا الدسمــــال
فزعان لو يوم شليتوه ترمونــــــــــــــه=او تحت الاقدام للدحقة تخلونــــــــــــه
=مايعرفوا قيمة الشي كانزين المــــــال
=من فضلكم للجعيدي خلوا الدسمــــال
نفسي على الزيــــن فالدكان محنونــه =لو هي بخيرتي ما باكـــــم تشوفونـــــه
=بالعين او بالاصايـــــع تلمسوا الاذبـــــال
=من فضلكم للجعيدي خلوا الدسمــــال
أمهر حوكّ بيّتــــــوا فوقـــــه يحوكونــــه =فالشكل ماشفت شي مثله وفي لونه
=زين الذبل يضرب العشاق به الامثــــال
=من فضلكم للجعيدي خلوا الدسمــــال
بحفظــــه لا قد تملكتــــه و باصونــــــه =والله ما خلــــي الزاخي يصــــل دونـــه
=بطرحه في وسط خزنه محكمة الاقفـال
=من فضلكم للجعيدي خلوا الدسمــــال
بلقيه حيث الذهب والمـــاس يلقونــــه =طيه بطيـه وغونـــــه مــــن وراء غونــــه
=غالي ولايستخي للهــون والإهمــــال
=من فضلكم للجعيدي خلوا الدسمــــال
وان لامس الطين خيطه يوم يطوونـــــــه =باجيـــب عطره من امريكاء وصابونــــــه
=مابقرب الصين والحبشــــه ولا نيبــــــال
=من فضلكم للجعيدي خلوا الدسمــــال
من عود جـــاوي وكمبـــودي يبيعونــــــه=با تصبح النار لــــه فالـــدار مرشونــــــه
=والجمر له في مداخن من ذهب . شـعال
=من فضلكم للجعيدي خلوا الدسمــــال
=--------------------------------
=شعر / عبدالله مبارك الجعيدي