عيوني دمعها مدرار = ونار الجوف رشّانة
على فقد الحبيب البار=عيوني دمعها مدرار
رحل عنا سراج الدار = رحل والنفس ولهانة
وصار الحلو بعده قار= عيوني دمعها مدرار
تراث البحر والبحار = فقد رمزه وعنوانه
بفقد الفارس المغوار= عيوني دمعها مدرار
عليه الطبل والقيثار= بكاء والدان وألحانه
وصوت الناي والمزمار=عيوني دمعها مدرار
نديم العود والأوتار = توقف نبض وجدانه
بحكم الواحد القهار=عيوني دمعها مدرار
ترك موت العزيز آثار = على أهله وخلانه
وع الكتّاب والشعار=عيوني دمعها مدرار
محل حط القدم أو سار = نثر فله وريحانه
وعبق الورد والأزهار=عيوني دمعها مدرار
غفر يا فرد يا غفار = لمن جينا على شانه
وله قيمه وله مقدار=عيوني دمعها مدرار
بفنه يلفت الأنظـار = ومعروفه و إحسانه
وعطفه ع المحب والجار=عيوني دمعها مدرار
رفيق الشاعر المحضار = وعازف شعر ديوانه
( علي ) له بالبنان أيشار=عيوني دمعها مدرار
جرت دمعة سعاد انهار = ومن فيها لفقدانه
وضبضب ينتحب منهار = عيوني دمعها مدرار
حافظ على كل شبر من ارض اليمن= حافظ على سيئون والغناء تريم
حافظ على صنعاء ومن فيها سكن= حافظ على دار الزعامة والزعيم
ارض الحضارات العظيمة من زمن = وارض الكرم والجود والشرع القويم
لازم تطهر من عصابات الفتن= لي مايسيروا ع الطريق المستقيم
شف زمرة الارهاب ياباذيب لن = تظفر بقتل اطفالنا هم والحريم
الارهاب بانطويه في وسط الكفن= انته وانا بانلقي الشفرة شريم
لو نختلف في الراي في وقت المحن=لجل ارض نعشقها نسيّل دال ميم
أبديت بالله العزيز الدائم= الواحد الفرد الصمد سبحانه
اللي بتصريفه يدور العالم= والورد ينبت والثمر باغصانه
يارب خفف هم فوقي جاثم= بأسباب من طوّل علي هجرانه
طالب عسى ربي يرده سالم = ويبدد المولى جميع أحزانه
ويعود من رحلة علاجه غانم = و أهله على اليسرى وحد بأيمانه
ويصير جوّه بعد ما هو غائم = صافي ويرجع لي على عدّانه
ميزان بو راضي عموده قايم =والجود رمزه والوفاء عنوانه
كل من دخل في بحره المتلاطم = يغرق ولا يظفر (بنص مرجانه)
قلبي بكلماته وعقلي هائم = يا ريتني شوفه بجنب إخوانه
ينثر درر زينة كما بوقاسم=والعكبري لي ما نضب معيانه
طالب عمود الفاضلة والقاسم = والسقف لي ما تندخل عيدانه
في الوقت هذا والزمان القادم = ما حد كما باتيس بين أقرانه
هرجه يصم راس الجعيدي دايم = مثل الجفل لاجاه في فيجانه
من كان له عنده طلب أو لازم = في لمحة البراق يقصي شانه
كل من عرف نعمان ما هو نادم= بين القبُل نيرانها رشانة
كرما تعدوا في كرمهم حاتم = شجعان ضد كل من ندر شجعانه
حكماء و فيهم يستعين الحاكم = لاقد نشر قوته في ميدانه
وان لامني في وصف طالب لائم = يقرا بيوت الشعر في ديوانه
جيشي وجيشه ع العدو متلاحم = باروتنا غطاء على دخانه
كل من دخل بيني وبينه لازم = يخسر كما عربان جم خسرانه
فاهم انا قصده وهو به فاهم =والناس لي في المنتدى فهمانه
كل من بشره ع السقيفة هاجم = طالب حلف يطرحه تحت أسنانه
وأنا كما ولد العبيثي عازم=و أصحاب هذا المنتدى وأركانه
با ننصف المظلوم من كل ظالم =والظلم با ندفنه في الجبانة
اقسم بمن هو بالسرائر عالم = نوقف بوجه اللي قوي شيطانه
لو عيش عمري للسقيفة خادم = بربط حبال القيشمة باللانه
والختم صلوا عا الرسول الخاتم= واله وصحبه كلهم وأعوانه
جينا على داعي خوه و أصحاب = كسبوا ولانا عن جـــداره
فتحوا لنا في المنتدى ذا باب = منه قعدنا في الصـــدارة
نالوا رضاء الزوار والإعجـاب = في الحصن لي كلين زاره
ما خابت آمالي ولا ضن خاب = في طبع جروان النمـــاره
وان حد عليهم له قليل أعتــاب = ينسى عتابه في نهـــــــاره
وان حد تحداهم وفيهم عـــــاب = قاموا على جيشه بغــــــارة
في الحرب شيبتهم تحوّل شاب = والخيب فيهم ساق نـــــــاره
ما يحسبوا للمعتدين حســــاب = في برد وإلا في حرارة
مادامني عاشق وفيهم حـــــاب = بندقي با ولّم سبـــــــــــــاره
ما لي ومال المظهر الجــــذاب =و اهل المصانع و التجارة
ما دامها متوحدة الألباب = با يحتكم شرح المدارة
هجس الجعيدي با ينيخ ركــاب = تحمل ذهب صافي عيارة
تحت الغلوب اللي تلاف سحاب = في الحصن لي مرمر جــدارة
وان جت عزومه منهم وطـلاب = ما با يسمعون اعتــــــذاره
حب الكلام الزين والترحــــــاب = حبه وحب من هو شعاره
بعد السنات العيف رب الأرباب = رحمته عمت كل قارة
شفت الزبد والزهر في الاشذاب = والغصن قد دنت ثمـــــــاره
بقطف حبوب التين واللبـــــلاب = نشرتي يتّمرّن خضــــــارة
باب الفرح بفتحه للأحباب = والحزن با ننفض غبـــاره
وان حد قعد للجود بالمركــــاب = يرحل وعاده باعتبــــــاره
مع لي يبيع الطيب جرحي طاب = والكير حوش بي شراره
النقد يا أهل المنتدى مطلوب = في كل ما يكتب وما ينقال
لا تحرمون الكاتب الموهوب = من دعمكم يا صفوة الأبطال
وان حد كتب كلمة بدون أسلوب = نقدوه لو بالهاتف الجوال
في منتدانا الزين والمحبوب = ردوه لي هو من طريقه مال
حتى يتمي منتدانا دوب = لا ريح تعصف به ولا زلزال
ما كل ما في المنتدى مكتوب = قال الجعيدي يستحق الإهمال
و ألا بغية من جبوح النوب = تبتاع في لحظة بلا دلال
حاجات جم تخطر علي وتلوب = بضرب لكم عن بعضها الأمثال
الشعر في مبناه مثل الطوب = ما فيه ذا قاصر ولا ذا طال
والقافية فيها ا لغلط محسوب = والدان له ترتيب والموال
والنثر مثلك يا عسل مصبوب = ما ينقلب طعم العسل لو دال
و اللغز والقصة بغت ترتوب = ما كل من يكتب جوائز نال
أو كل واحد يمتلك حاسوب = فنان با يصبح كما مرسال
المدح طيب و الثناء مرغوب = و النقد به تتحقق الآمال