04-11-2018, 06:59 AM
|
#4
|
|
شخصيات هامه
|
من مطلع جفل 2018
""""""""""""""''"''''''''' """""""""""
ومن سألته وين حدك قال حدي بالجبل
بالكذب والحيله ملكنا الارض وملكنا الجبال
زالوقت ذا من يلقي الباطل يسمونه بطل
درع البطوله حاملينه لي يلقون البطال
مرزوق في داره تغطى بعد ماخنجره فل
لامامعك في القصع خنجر لاتقع شاجع وفال
وعبود قتلته الطماعه والطمع ياماقتل
شرالمطامع خوك عا حقك يلقي لك قتال
توحل وتبلى فيه لادقيت في واحد حول
احول مشوتر مايدل حتى المحل لي فيه حال
لبشه مصيبه مشكله تبغى لها فتوى وحل
ومحاسبه للي يخلطون المحرم بالحلال
ماضني انه باغزال اللى على اخوانه غزل
لكن لي يرضون بالغلطات تهموا باغزال
مالوم من عا ماله اوعرضه ترجل ورتجل
واذاقتل بايكتبونه من صماصيم الرجال
لكن من بالكذب والباطل لقا بئس العمل
لامات مابا يكتب إلا من خبيثين العمال
نكبه ورى نكبه ولي نكبوك قالو لك رحل
ولعاد بيدك غير تقبل لامر وتشد الرحال
وان حصلت التعكاه لا ترد الملامه ع الجمل
مادام خلف القافله جمال ماسيب الجمال
لي بايلم المسلمين الا رجع يعبد هبل
رد العرب للجاهليه ياهباله بالهبال
والضاله مادامها غلطت وشلت بالحبل
تحمله وتربيه من تبعت مقاطيب الحبال
قم يامحمد بن علي والقول ماقلا ودل
شف من كثر هرجه يقولوله سكت خل البدال
والكثر ماهو زين قال الاولي خلك وسل
من في وضيعه ذري باينفعه لاشي سيل سال
- باعكيم -
|
|
|
التعديل الأخير تم بواسطة سالم علي الجرو ; 04-11-2018 الساعة 08:58 AM
|
|
|
|