[عبيدسالم باحنان]

طبخة المنسف
اول شي طبخه المنسف (المقادير)ارز+لبن رائب+صنوبر+بقدونس+ماجي+فلفل اسود+ملح+هيل+ماء+ لحمه او دجاج حسب الذوق+بيضه وحدة
(طريقه التحضير)
بننقع الرز لثلت ساعه تقريبا وبعدين بنحضر اللبنيه وتحضيرها سهل كتير بنجيب اللبن وبنحطه وبنخفقه زين و بنحط فوقها بيضه وحدة وشويه مأ منشان تكثر اللبنيه معنا على اساس ما تصير ثقيله ولا خفيفه وان تكون وسط بس بهاذي الفترة بنكون حطينا اللحمه على النار منشان تنسلق وتطرى واذا كان دجاج كمان بينحط منشان ينسلق كمان بنضيف اليه الملح والهيل والفلفل الاسود وشويه بهرات منشان الطعم....بعد ما خلصنا اللبنيه من الخفق بنحطها عالنار لحتى تغلي وبنحط فوقها اللحمه الي ا نسلقت وبنحط الملح وبكيت واحد من الماجي بنضل نخفق فيهن لحتى يغلوبعد ما شفنا ان اللبنيه صارت تغلي بانشله عن النار وبنحطا على جنب وبنرجع لحتى نطبخ الرز
الرز ما بينعمل بشكله العادي بنجيب الرز بنغسلو بعد ما نقعناه وبنصفيه من المي بعدين بنحط بطنجرة على عدد كواب الرز بنحط متل العدد مأ بس بنزيد المي كوب زيادة يعني نقعنا خمس كاسات رز بنحط ست كاسات مأ يعني زيادة كاسه
بعدين بحط فوق المي ملعقه ملح ورشه هيك وفلفل اسود صغيرة مع باكيت ماجي لحتى يغلو
بعد ما تغلى المي بنحط فوقها الرز لحتى شوي تنشف المي عن الرز وهكذا خلصنا طبخ الرز
بعد ما خلصنا طبخ الرز واللبنيه
بنجيب جدر وسط وبنفرد الرز عليه بشكل يكون واصل لكل الاطراف وبرتب اللحمه فوقه بشكل حلو وبرش الصنوبر واللوز والبقدونس كمان فوق اللحمه
وصحتين وعافيه على قلوبكم
ملاحظه:اذا احد فيكم يفضل الدجاج على اللحمه لازم ان يقلي الدجاج قبل ما يحطوا فوق الرز الي راح يكون بالاكيد بالسدر او طبق التقديم