[غراب صاهد]

يالهاجس الفنان حط ساس البنا=على قاعده صبه وقرع لي حصاك
باشوف ماعندك وخذ ما عندنا=في السلب والايجاب بتكلم معاك
حق الوطن واجب علينا كلنا=نعطيه حقه من قداي ومن قداك
حب اليمن مافيه شك له حبنا=من لا يحبه مننا يبعد كذاك
حبه تغلغل وامتزج في دمنا=كل ما دعانا كلنا قلنا فداك
من حقه ان يفخر ويتفاخر بنا=بين الامم قدام كل حاقد وشاك
نحن اليمانيون سادت ارضنا=واحرار ما نرضى لها بالانتهاك
تغلب كرامتنا ويغلب اصلنا=اصل العروبه كان ماحد قد فتاك
نحنو حسبها والنسب تنسب لنا=يبن اليمن في ذا النسب ماحد كماك
والوحده الكبرى ابونا وامنا=الاب صنعا والابو شمسان ذاك
هذا في الايجاب مصدر عزنا=مصحوب بانجازات كبرى في بناك
ياصانع الوحده وقائد مجدنا= والله ثم والله لا ننكر عطاك
لكن ماااا خذنا ومصدر همنا=ما يصنع المسؤول فينا من وراك
كم من وكم مسؤول مارس ظلمنا=مستقوي ابموقعه متصور رضاك
ذا باب والثاني مطالب شعبنا=مابا تحل بالكذب او دق الحناك
الحل في يدك ويدك يدنا=ادع الذي في يوم للوحده دعاك
حلو مشاكلنا ولمو شملنا=عا عدل ومساواه وانهو الاحتكاك
عودو كما كنتو ولو من اجلنا=يكفي كفى واحد هنا واخر هناك
واحد هنا حاضر ولاخر مش هنا=وبلا لقاء لثنين بايطول العراك
يالحاضر الناظر تمعن هرجنا=لانا معه ضدك ولا ضده معاك
عندك خطاء واضح وهو في ظننا=عنده خطاء فاذح واكبر من خطاك
واخطاك واخطائه غلط في حقنا=من بعد ما دفعنا رسوم الاشتراك
ان با تحلون الخلل في صفنا=من شغل ذا بعتك وهذاك اشتراك
والا مع خونا على بن عمنا=ما با يفزع حد قرباع التناك
وختامها واخر كلامي لهلنا =لانا مع الوحده ولا قوم الحراك