[المستقل]

المشكلة

المشكلة يا خوان في هذا البلد=السارق الحارس على اقوت العباد
من قد تولّى منصب الدوله حصد=واصبح يمنّا مُلّطشة لاهل الفساد
وان جت كوادرنا الجديدة با تشد= الفاسد السابق فسد ليهم جداد
اما شريف النفس ماحد له سند= يستبعدونه ما حتسب من قوم عاد
واللي على المنهج ونفس المعتقد= يصعد الى القمة ويحظى بالوداد
يصبح كماهم عالموارد مستبد= وعطوه حصة في أرم ذات العماد
ما تحصي أمواله ولا تقدر تعد=ذي قد هبرّها بالوظيفة واستفاد
بملي عليكم بند من عشرين بند=يكفي كفاية با تصابو با لسهاد
عنده عماير في الحديدة والجند=وفلّته في وسط حده قد اشاد
يوخذ حصص من كل مستثمر وفد= ويضاً معه شركة عملها في عياد
اما بوابيره فأخر ما ورد=وغيرها ياكم تملّك من عتاد
وحده فقط يؤكل عشاء مليون فرد=يسرط ولا يشبع كما اسراب الجراد
اعوذ برب النّاس الفرد الصمد= من الجشع لي فيه ومن قلّ الرشاد
لا همّه المؤوطن ولا يرثي لحد=لو با يقع له با يبيعه( ف) المزاد
بايع ضميره والمبادي بالعمد= لأجل المكاسب والغنايم والحصاد
اما حكومتنا عملها مُفتقد=ولم تعاقب أي فاسد في البلاد
ياكم لنا عرقوب بأصلاحه وعد=وحنا نصفّق له ونهتف جاد جاد
لا قال ذا الدّفرة انا بصّلح بجد= وان الفساد في الأرض عاده يوم زاد
هذا مرض في الرأس ماهو فالغدد=فالكبد والكلوه وفي وسط الفواد
لابد ما الشعب كله يحتشد= نقضي على هذا المرض في كل واد
واجب علينا كلنا لازم نهد=لنقذ وطنّا قبل ما يصبح رماد
ماكل من يقرأ القصيدة ذه رقد= ويقول هذة من حكايا شهر زاد
هذة من الواقع لها الهاجس رصد=ماشافته عيني رسمته بالمداد
عندي أمل في يوم نقضي عالّفسد= وللوطن وحده يُسخر لقتصاد