[صالح العجمي]

متواضعة لعيون الشبامي

مد وجزر يحتوي طبعك وما تشعر
وشعور ثاني وما لك داوي تدله
مرات تمشي بتواضع وحين تتبختر
ومره يجي لك سؤال صعبه تحله
وتمر أعوام وانته فيك متحير
والكون واسع يغطي كبوتك ظله
المشرب اللي غشاه السيل يتعكر
وقلب مطعون لابد يدمله خله
حتى البدر في سماه كامل المنظر
يطغى عليه الغمام ويختفي كله
شوف الزهر في حياته دوم متعطر
سهوله يمكن تشمه وسهله تشله
كان الوفاء في ضميري خير متيسر
ومع الوقت صرت مدري كيف اوصل له

صالح العجمي