[سبع الليل]

قال الصويطي كل شي بالحيله=حتى الحكومه حقنا حياله
لاهي بصدقيه ولا كدبيه=ماشي حكومه في اليمن شرعيه

باب الحيل لابد نباء تقفيله=وكل باب منه ضر نباء قفاله
الدار داري والمشوره ليه=ماشي حكومه في االيمن شرعيه

معنا دويله مصغره منكوبه=ماشي لها هيبه ولا محسوبه
ظمن الدول في الجامعه العربيه=ماشي حكومه في اليمن شرعيه

لي باع ناسه والوطن يستاهل=لانه غبي جاهل وخس من جاهل
يستاهل ألا الدبح بالجنبيه=ماشي حكومه في اليمن شرعيه

قل لي متى با يأتي المستقبل=وبلادنا كل ما لها تتبهدل
لا أمن نفخر به ولا حريه=ماشي حكومه في اليمن شرعيه

كل ما بنينا بنقله خربوها=وكل ما طفينا نارها شبوها
وين الحكومه الأوله الأصليه=ماشي حكومه في اليمن شرعيه

الحال مزري والمعيشه صعبه=حتى السمر في الدار ما له رغبه
الكهرباء دائم وهي مطفيه=ماشي حكومه في اليمن شرعيه

والغاز والديزل كماُ والبترول= من أرضنا لكن مصيره مجهول
حتى الحقوق الواجبه مخفيه= ماشي حكومه في اليمن شرعيه

والحاصل أن المرحله تتكرر= من مرحله الى مرحله تتطور
ياخس مراحل كلها كوفيه= ماشي حكومه في اليمن شرعيه

ما غير لا تسأل ولا تتساءل= ما شي أمل فيهم ولا تتفاءل
دي ناس من قامت وهي شريه= ماشي حكومه في اليمن شرعيه

خل الأمل في لله ما هو فيهم = وصبر وقل يارب عسى تنفيهم
من أرضتا بمغادره فوريه= ماشي حكومه في اليمن شرعيهه