حسبي الله في واحد جفانا
كيف نكد عليّه
نا بغيته وهو لي ما بغانا
مش كذا الناس في لحباب يلقون
جد بوصلك وسارع في لقانا
قبل وقت المنيه
تفرح الخصم فينا ياهوانا
والشواني ومن ثاروا يغرون
لو خيالك يغرد في سمانا
باتهون الرزيه
عل طيفك يعجل في شفانا
يندمل جرح وسط القلب مدفون
كل ساعه وشف طيفك معانا
مايغادر شويه
نسأل الله يتقبل دعانا
نلتقي في بضهْ ولا بقيدون
كيف ياخل لو مرسول جانا
بعطي أغلى هديه
ساعة الوصل ذي فيها دوانا
تفرح القلب لي قد كان محزون
ياعسى الله نتلاقى عسانا
صدق عن طيب نيه
نقتل البين لي كدر صفانا
والحبايب معانا وسط سيئون