بسم الله الرحمن الرحيم
بعد التحيه والشكر والتقدير للاخ العزيز عبد العزيز بن شريشر رجل الاعمال المعروف
والاخ العزيز الشاعر والناقد المخشني المشرف على هذه المسابقه يشرفني ان اضع بين ايديكم وايدي القراء الاعزاء مشاركتي البسيطه المتواضعه
عمر سالم الذيب
في مطلع التنزيل وايات العلق=ايه بها للعلم واهله مكرمه
انزل بها جبريل من رب الفلق=على المصطفى الهادي محمد والزمه
اقراء باسم الله ربك لي خلق=لي علم الانسان مالم يعلمه
بالعلم نور الله على الدنيا شرق=وعز به الانسان ربي والهمه
واشهد على نفسه بان الموت حق=وايام دفن البنت حيه مشئمه
في الدين وعلومه لنا في من سبق=وانزل عليه الدين ربي واتممه
هو خير من حدث واصدق من صدق=لي عزه الله بالرساله واكرمه
واله واصحابه مسامير الدرق=لي دقرو للجهل واهل الهنجمه
وروات ما قاله ومن يدعي بحق=فيما يجنبنا طريق الحوطمه
ذا باب والثاني له الذيب انطلق =با يحدد اللازم ولي ما يلزمه
من يوم شع النور والعلم انبثق=وتم تفكيك الرموز المبهمه
عم التقدم والتطور واعتنق=درب العلوم اهل العقول الملهمه
لكن بعض العلم ماهو مستحق=علم الدمار الشامل اللي من سمه
اصبح لهذا الكون مصدر كل قلق=الله يلعن من سبق واستخدمه
لي به ربع مليون انسان احترق=وجيل في اليابان باده واعدمه
اما العلوم النافعه مثل الطبق=لي فيه كل ما تشتهيه وتطعمه
بالعلم اهل الطب شقو القلب شق= واستاصلو داؤه وصنعو بلسمه
وتحكمو في النبض من بعد الارق=وعادوه ينبض بالحياه المفعمه
بالعلم ذوبنا الحديد وبه نطق=وبه منه قد صنعنا ملحمه
مركب وطياره وما رنا ودق=وبه تخاطب والخبر به تعلمه
بالعلم من عنق الزجاجه والنفق=سرنا الى سطح القمر لي نحلمه
بالعلم تم صنع المحابر والورق=وايضا صنعنا به القلم والمرسمه
والكمبيوتر والجهاز المختلق=لي بين خلق الله تولا الترجمه
وتم صنع اشياء واشياء جم ادق=حددت ما نفهم وما لم نفهمه
قدامه اتوقفت والهجس اختنق=ويقول من جهلي عرفت المظلمه
وعرفت ان النور من بعد الغسق=في العلم والتعليم واهل المعلمه
هذا كلامي المختصر يهل السبق=وان جيت با واصل قضاة المحكمه
قد حددو بعد المسافه والنسق=والذيب به تمم كلامه واختمه