[سالم علي الجرو]

بالناصر:
خزين الله ملانه = ولا تقرب قدا مردم ولانه
وخله من عبر يعبر ومن له خل لا ينساه
المحضار:
لقا من تحت خانه = وفي ساعة نسي عهدي وخانه
ونا بالعين شوف الضر وقول الصبر يا محلاه
با عباد:
رعاه الله صانه = بعد مني ولقا له حصانه
ونا برد وساعة حر ونتصبر على بلواه
بالناصر:
وفي قلبي حنانه = اذا غنى محمد من لحانه
بغيته دائما يكبر إذا قد ضقت باتلافاه
المحضار:
وخليته وشانه = ولا صفيت هرده من شنانه
وحره قابله والقر وأمره يا حسن لله
باحارثه:
معي في اليد بانه= ولو يبعد ولو حتى بنانه
ووسط الجوف دم يقطر وانته قلت: ماادري آه
باعباد:
رجوله في ثبانه = ومن يدحق برجله عاوثانه
وكثر اللطم با يعور إذا تعيطل على خباه
المحضار:
قمرنا في الوزانه = ولقا غرب عابيره وزانه
ولا حد ينكر المنكر فيين أهل الفكر والجاه
باحارثه:
ولي فوت أوانه = مسك راكه وطير حيدوانه
ولا يفطن ولا يذكر ونا باصبر لما امتاه
بالناصر: