[الشبامي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

مابين وعدالصدق والهرج المنمق=اتحققت اشياء وشي مبعد تحقق جد واجتهد ياشعب لاثبات الحقوق=يكفيك من عولق لقباض الحلوق احذر حذر ياشعب تترك شي معلق=واصل مثيل الموج للساحه تدفق لا تئتمن في سوق فيه اعيال سوق=يكفيك من عولق لقباض الحلوق مالك ومال الناس من غرب وشرق=خلك على مبداك واترك من تملق خلك مع اهل البر ضد اهل العقوق=يكفيك من عولق لقباض الحلوق لابد عن ثورتك ترفض من تسلق=ماله محل كل من بثورتنا تمرزق وابرق لمن بادر ومن فاوض يفوق=يكفيك من عولق لقباض الحلوق خلك كما ماكنت في الساحه تعملق=واغلق مسار الشك لا شفته تخلق باينتهي ليلك مع شمس الشروق=يكفيك من عولق لقباض الحلوق خذلك من الماضي ودرس الامس لسبق=لاتصدقه من خلف ابهامه تخندق كذاب ومنافق لتمزيقك يتوق=يكفيك من عولق لقباض الحلوق من حارب امالك ترى ماسد فرق=في السوق شيكه ما اصطرف ماهو مصدق اكبر حرامي لا تظنونه صدوق=يكفيك من عولق لقباض الحلوق كم من سمينه منها يسلم تمرق=هذك وذك والوعل لي في الحيد لبرق سلمه بيده واشترح يوم النفوق=يكفيك من عولق لقباض الحلوق هذه حقيقة من على الامه تمحذق=قابض على صاحبه خايف لي تزحلق خايف الى تزحلق جعيمه ماتروق=يكفيك من عولق لقباض الحلوق يومه لحق له سوق في زامه تسوق=كوش على الصارون والشال المزهلق واترك عباد الله شياذرهم فتوق=يكفيك من عولق لقباض الحلوق خوفه يصير احساب في الماضي مدقق=بايصبح الشال الذي بيده مشعق من كل جهه في الشال با تظهر شعوق=يكفيك من عولق لقباض الحلوق

معلقّه ثوريه جديده من شاعر الشعب عمر الذيب !!
تحكي هذه الدرّه الملتهبه واقع ثورة شعب ستنتصر على الظلم والطغيان والفساد!!
وستنتصر على المتمحذقون المستلقون الذين يريدون سرقة هذه الثوره العظيمه !!
لله درّك أيها الذيب !!
تُثبّت !!