[بنت شبامية]

ازعااااااج ....

لما تكوني تعبانة وما صدقتي فضيتي واخذتي ولدك اللي كان قد مارس كافة انواع الشقاوة طول اليوم .
وما صدقتي يستسلم لكي وللنوم ..
وكنتي موفرة كل ادوات الهدوء ومعلنة حالة الطوارئ .. >> حرب وما تدرين بنتائجها ولا من الغالب ومن المغلوب ..
وبعد معاناة وصراع طويل .. شي تغنين له , وشي تقرأين عليه , وشي تهزينه ..
ومجرد ماتسكرت عيونه الصغيورة العنيدة ....
الا ويخترق الصمت المحكم صوت دوي عالي يملئ الغرفة ويشعركي انها صارت ترتجف ..
وهذا من اثر رنين التلفون >> اتصلت جارتك >> هذا وقتك الله يرجك
وهنا يفز الواد بعيون مفتوحة يظهر عليها النشاط والاحساس بالنصر ..
ويوقف فوق السرير مصحصح وكأنه نايم من سنة ..
ويضرب وجهك ويجرجرك .. ويقول بلسانه ولغة شقاوه مكسرة >> جاه الفرج ..
( يالا ماما كووووم الاااااس نووووم ) يالا ماما قومي خلااااااص نمنا .. >> ترجمة ...
ودك ذيك اللحظة تبكي وتمتزج جواتك كافة الرغبات والمشاعر >> اللهي يجازي الي كان السبب ... اهي اهي اهي ..

دعواتكم الى ان نلتقي في مواقف ( ازعااااااج ) اخرى ان شالله ..