[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/6.gif" border="outset,4,gray" type=0 line=200% align=center use=ex char="" num="0,black"]
الله يحفظنا من الوقت الغبر=ليهو سرد احداث كانت غابره
وتنكشت صفحات .. غطّاها الغبار
اهوال في اهوال هدّت بالشعر=تصعب على المظلوم كظم إمشاعره
حبل الكذب قاصر .. وماله شي شعار
لحمر واعوانه .. قطب حبل الوتر=وعمل بلاوي بعدها متواتره
خلوك يالمليوح تعزف عالوتار
حتى الاسد خافش .. ماتشوفه ظهر=ولا قرب جنب المقدم ظَاهَرَه
خلوا حيود الحصن .. متصدع وهار
عود الشخط وحده .. ترعبل وانكسر=و تكالبت حوله طيور(ن) كاسره
صعبه تِجِبّر عود به جملة كسار
ماتنقذ الغرقان ياعود العشر=باقول من واحد المّا العاشره
ما غير نتوحد .. نلملم في العشار
في ذا الوقت لجواد .. بس كمه نفر=واكوام من اقوام منهم نافره
حد منهم شيرد ومتخبي وفار
لعور مع العوران .. مايملك نظر=يدحقون الناس .. ليهي ناظره
بايجي الفرج .. لو طال قبله لنتظار
[/poet]
زيدونا يافطاحيل ...