[فؤاد سعيد سهل بن إسحاق]

بـدع ياهاجـسي ماليوم في حاجتـك ماتـعـذر *** يقول فؤاد هات اقـوال مـصــلـوبـه صباح الست من تموز عام الفين واحدعشر *** بلاد القطن صبحت ارض منكوبـه وقـالـو لي حصل زلـزال مايــنـقاس بالرخــتـر *** ســوى بـقـلوب مـحزونه ومـكـلــوبــه خبر عاجل وتتوارد لنا الاخبار من مـصـدر *** تــمـــنـيــت الخــبـر مـزحــه واكـــــذوبــــه حــصـل والـلــي حـــصـــل مــكـتــوب ومــقــدر *** وعــمـر الآدمـي ساعـات مـحـــســـوبه فـقــدنا بو مـحـمـد نورنا في الـليـل لاغـــدّر *** بـنـا امـجــادنـا طــوبـه عــلى طـوبــــه عـطوفا كـلـمـا تبـسّـم وضـرغـاما اذا كـشّـر *** ونـــيـرانــه عـلـى الاعـداء مــشـــبــوبــه يحل كل مشـكلـه بالعرف في لحظـات لاقـرر *** يــرجّــــع كـل مــســلــوبـه ومــنــهـــوبـــه خـسـاره فـادحه كل زين اصـبح عنـدنا اغـبر *** فــقـدنا حـنـكـتـه في الـقـول واسلوبه حزينه حـضرمـوت اليوم واديــهـا مع البـنـدر *** خـيـامـا لـلـعـزاء في ابـراد مـنـصـوبـه عسى مثواه في الجنه في سعف النبي يحشر *** وتــغــفــر كــل اخــطــاؤه مــع ذنــوبـــه رســولــي قـم سـرح للـقطـن لاتنـشد وتـتـخبر *** دمـوع الناس حول البيت مسكوبه دخل عالشيخ بوهاني طويل الشرع مايقصر *** ويـعـطـي كـل مـن يـطـلـبه مـطــلـوبـه كانـه حاتم الـطـائي كـثـير الـجـــــود بل اكـثـر *** ودايـم قـــهــوتـه لـلـضــيـف مـصـبـوبــه على يــمـناه جالـس شف مـحـمـد ابننا الاكبر *** نــوجـــّــه كــــلــنا انــــظـــارنــا صـــوبــــه عـشـمنـا في مـحـمـد يحـمـل الرايه وهو اقدر *** عـلى درب الـسلف يـمـشـي بتـرتوبه وبـلـغـهـم تـعـازي اهـلـهـم في البـعـد والـمـهـجـر *** لـهـم مـنّـا ولاء وعــــهــــود مـكـتـوبــه ختـام التــعـزيه يا الف صـلـّو عالـلذي بـشـّر *** ونـدعـــي ربــنـا يــقــبـل لـنـا الــتـــوبــــه