قال باراس ياهاجسي قبل الثنعشر=عاد فرصه معك وانبش على ذيهو مخزون
خذ وهت في ربع ساعه وليهو مقدر=بايصل والذي مكتوب ماعذر بايكون
نعرفك من بطي في ساعة الضيق تضهر=ماتقفي بصاحب مثل ذيهم يقفون
ذا خرج فصل والثاني دخل فالمعسكر=هت خبر لاتخليني محير ومشطون
ايش ذي قد حصل مشطون عالبحر والبر=قالوا الوضع متدهور وكل يوم للدون
قالوا الخائن الحوثي نوي الناس بالشر=جاب للناس فتنه من وراء فكر ملعون
غره ابليس عا فعله وخلاه يغتر=مثل ما غر قبله طاغية مصر فرعون
وانتها به غروره في وسط بحر يزغر=والنهايه صبح عالسيف من غير صارن
هكذا تالية من عالخلائق تكبر=يومها الكبريه لله في سائر الكون
وانت يالحوثي المغرور خل التجبر=رد عقلك وسط راسك ولاتكون مجنون
وان تماديت جم ولقيت للناس عنتر=بايضهرون لك عنتر ميه والف مليون
واختم القول بالهادي الشفيع المنور=ذي هدى امة السلام عا خير قانون