[حسن محمد سالم باقديم]

[CENTER] مهداه لكلأ من المدير العام عقيل ربيعه والخليفي الهلالي ولعمدة المنتدى الباحث وللشاعر عبدالعزيز بن شريشر الواقعي وللكاتب والاديب رياض باشراحيل وللشاعر بن احمد تقبلوها منا والعفو كتبت بعجاله

رجعتي وانسلختي ماركنتي في اياديهم =
ولا هتنتي وماهانوش هانوا في مرابيهم =
رجعتي من جحافل فاشله والكذب غاشيهم =
ترا اسمائهم بوجوهم تعرف اساميهم =
غنين التعفف والقلوب اشتات تقصيهم =
وارعن يتبع ارعن رعاينهم تناديهم =
( نميمه ) ( كذب ) ( حسد ) ( وبغض ) حل فيهم=
لقذف المحصنه والطاهره زادت عواكيهم =
بشر اعمالهم ربك يمحصهم ويبليهم =
لكاتبهم وباحثهم شتايم من مرابيهم =
وزاد افسوقهم وعصوا معلمهم وقاضيهم =
ف صب صوت العذاب الله بهم واتا مربيهم =
جنان الخلد باالاخلاق حفت وانت قريهم =
وعلمهم عسى الرحمن يهدينا ويهديهم =
عطوها بن ربيعه تاج مافي النص يكفيهم =
عطوها بن ربيعه موعظه حسنه تناجيهم =
وترشدهم الى الخلق الحسن تحسن محاقيهم =
عطوها باحث التاريخ باالتفسير يغنيهم =
واعطوها الخليفي لاجل باالاحسان ينصيهم =
عطوها صقر نهد الواقعي ينزل يباريهم =
بقول الله وبسنة رسول الله يكسيهم =
عطوها باشراحيل الادب يخرج يوعيهم =
عطوها الشيخ بن احمد بعدل الله يثريهم =
الا ياقوم فيقوا وانظروا صبغة محازيهم =
وراء خلف الستاره مهزله والضعف حافيهم =
الا ياقوم فيقوا ميزوا رنت مغانيهم =
ايادي خاسره واقلام يهوها وتهويهم =
قلام استحوذة عاقوم يشروها وتشريهم =
بزيف المدح والاهداف بانت في كراسيهم =
على مركزه والكرسي اديب الكذب غاويهم =
وبسم الورث يتكلم خسى خسيت مراميهم =
بها ارباب منتبهين ماحاجه توصيهم =
وتدخل راس ذا في راس ذا لاهداف تغزيهم=
قبايل للكفاء رايات يعلوها وتعليهم =
برحمة قلب ومخاواه تكسينا وتكسيهم =
عسى كسوة عمل صالح تدفينا وتدفيهم =
من البرد القرس مزكوم والعطسات تاذيهم =
ومن باس الاذيه حبة البندول تشفيهم =
ومن عذب القوافي مانظب شوقي لصافيهم =
سقونا من محاقيكم وانا باالعذب بسقيهم =
برحمة قلب ومخاواه تكسينا وتكسيهم =

[/QUOTE]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

عميد شُعراء السقيفه / حسن محمد سالم باقديم من أبناء محافظة حضرموت مديرية دوعن ولد ونشاء وترعرع في قرية رحاب نشاء في أكناف أسُره كريمه جُل أفرادها شُعراء بل جهابذه في الشعر الشعبي فعمه الجويد سالم باقديم يرحمه الله شاعر لا يشق له غُبار في الشعر الشعبي وكذلك شقيقه الشاعر أحمد محمد سالم باقديم له صولات وجولات لا تُنسى في الشعر الشعبي وكثير من أولاد أخوه وأولاده شُعراء بارزون في الشعر الشعبي وبناءا على هذا التعريف المختصر لعميد شُعراء السقيفه / حسن محمد سالم باقديم فإن العماده تُعد موروث شرعي له لا يستحقها غيره وشهادتي فيه مجروحه لكونه في مقام أحد أبنائي ومن خلال هذا المتصفح أتقدم له بخالص التهاني بمنحه هذا الشرف المستحق .

ملكنا ياملكنا يامليك الطيب والاخلاق= ملك فاضل ملك عاقل مليكاً طابت اخلاقه
ملك محسن ملك مكرم الى خير العمل سباق= وداره للعمال الطيبه والخير سباقه
جزيل الشكر والعرفان له وحنا خوه ورفاق = ذكر اهله وربعه عصبته صحبته ورفاقه
مليك الجاه ماننساه ورسالته في الافاق= اطلت عاسماء قريته واسمه يغمر افاقه
منابت طيبه وغروس من سابق لها المصداق= مراتب دار في التاريخ حفظت جبر وصداقه
سلاله رافقة درب النبي والعهد والميثاق = ولا يحتاج مني تزكيه عهده وميثاقه
محاسنها في السر البهي تلمع كما البراق = ومعدن نجلها بطن السقيفه لاح براقه
رساله ذكرتني وقت عدى في خطم وصياق= يحن قلبي حنين النوب لا مثواه وصياقه
ولصروم البداوه والجبل قلبي مساء مشتاق= شجن واشواق تعصف بي لها والنفس مشتاقه
ميول القلب عندي وان دفاعه زاد في الاخفاق= ينازعني الشجن للباديه والنفس خفاقه
حضارات المدن شينه علينا خلطة الاوراق = الا ياويل من نهج الحضاره دربك اوراقه
مفاسد في الحضاره واجده واّفات في الاسواق = غزوا اسواقنا ( لهو المفاسد ) زادت اسواقه
ملاهي في الفضاء والبحر والبر منها منضاق = مسي حنقان لا قد جيتها والنفس منضاقه
غزونا الغرب وحنا في ظعينه جرح وتشداق = نحارب باالكاعه بعضنا تجريح وشداقه
عقلت الرجل عاعادات اهلي والقدم والساق = وكل ريشه لها معلم وكل موضوع بسياقه
وابن القصر والفله يفزز لا قد ضوى المنتاق = يفزز في حين مايشوف الذره والصرم والناقه
ولو هدد حجازي حول هرمز ياحلول الطاق = عليكم بااتخاذ الامر جد يالجنة الطاقه
ولا المطراق مطراقه وانا مريت في المطراق = الى مني زعل باصد من داره ومطراقه

اعذرني ارتجلتها والمشغول لا يشغل اي هفوه العفو