يا زيـن فـي بعـدك أنا اليــوم مرتـاح = من حين فارقتك وأنا بألف راحه
خلّك بدربــك وأنســنـي راح مــاراح = خلاص عفتك لو بغيت الصراحــه
أنا أشـهـد إن القلب فـي بعدكم صاح = لاكننـي مجبــور بأكتــم صيـاحــه
قدرك بعيني في مساء اليوم قد طاح = ضيّقت صدري فيك بعد أنشراحـه
ما اليوم باأصبر دامه الصبر مفتاح = بـاب الفـرج يفتـح وتدخـل رياحــه
باسـلّي الخاطــر وبـاعيــش لفــراح = وكل من شعق بصّبع يرقّع براحه
شف بحـر همي بقطعه مثـل ســبّاح = خرّيج همك فيـه أجيـد الســباحــه
معالمـك فـي القلــب وألهم ســوّاح = للهـم فـي قلبــي وزارة ســيـاحــه
حنين قلبي مثـل ما الطيـر لي نــاح = لي صابه الصيّاد وأكسـر جناحــه
يفيض دمع العين والدمـع فضّــاح = من بعد ماقلبـي خضـع للجراحــه
الشاعر : عارف عبدالله بن شريشر النهدي