قصيده جديده للشيخ الشاعر عبدالعزيز بن مبخوت بن شريشر النهدي
مهداه للشاعر حسن محمد باقديم
حررت بتاريخ 17/11/2014م
صلاة الله على الـهـادي عـدد مـاغـصن حي ازهر
وتـسـلـــيـمـاً وتـبـريـكـاً عـدد ما دونـعــت لـثـمـار
ولـك يـا بــو حـمـد مـنـي تــحـيـه واحـتــرام اكثر
ودعوه من صـمـيـم الـقـلب لك يا صاحب المقدار
ومــن شـانـك مـلـف الـعـشـق بـانفتحه والمحضر
وواجـب يـعـرف الـعـشـاق مـا يـحـويه من لسرار
وطبعاً لا كشـفـت الـسـر ،، يـبـيـن سـري الاكـبـر
وبا تدرون واش مخفي علي بـابـا بـوســـط الغار
جواهر نادره .. ياقوت .. لؤلؤ حر..عقيق احمر
خلاف التبر والعسجد وعـقــد الـمـاس والاحـجـار
تحف ما تلتمس .. وان ناظرتها الـعين مـا تـنـظر
( بـقـايـا عـشـق عاد القـلـب حافظها معه تذكار )
وهـذا الـكـنـز لـي بـالـفـعـل به ما دمت حي بافخر
وقلبي يشعـر ان نـفـسـه كـمـا شـهبـنـدر الـتـجـار
ولـي عـنــدك طـلـب راجـيـك تـسـمـح تفتح الدفتر
ومن صفحات ( سفر ) العمر نق يابوحمد واختار
ودور فــي سـطــور امـدونــه بـاقـلام مـاتـظـهـر
وخلطة حبر سري ،، ياحسن متشوفـهـا لـبـصـار
عـــلـى نـمـره عـجـيـبـه مـابـضـنـي يـوم تـتـكرر
وســطـهـا ارقـام جم ورموز سريه وفيها اصفار
ولا فـكـيـت شـفــرة رقـمـهــا مــبــغــاك تــتــعذر
ولي مـثـلك حـشـاء ،، مايوم منه با تجينا اعذار
فــتـح بـاب الـخـزيـنـه لـي زمـنك اجبرك يتصكر
حـمـايـه لـلـكـنـوز الــغـالـيـه مـن وقـتـنـا الغدار
وهذا جواب الشاعر حسن محمد باقديم على الواقعي
الا يــــاواســـع الــمــدات يــسـر كـل ماتـعـسـر
وجـودك في طلابه والرضاء ياالواحد الـقــهـار
وصـلـوا عـاالـذي لـه نار فـارس ضـوهـا غـدر
وخمدت والبهايم بشرت فـي مـولـد الـمـخـتــار
وبـعـد الـسـاع حـيـا عـد مـاالـجـلـبـوب يـتـزغر
ويـبـكي عـاالزمينه من دموع العارض المطار
بـشـاعـر ردني مـن حـيـث فكري صاح وتجور
ردود العسكري للجافلـه سـاعـة يـسـوق الـنـار
ثقافة شعر من شاعر يـجـيـد الـشـعـر يـتزمجر
تزمجار الطراز العسكـري لاقد اخـترق لـغـمـار
ولـوحـاولـت نـتـجـاهـل مـقـالـه حـيـن ماتصدر
بكون الوقت ثاني والسلا صابه مرض واضرار
جـبـرنـي باالـطـلابه ذي مقامه والرضاء متجر
وغاية ناطـقـيــن الـضاد اهل الـهـدي والانـوار
ونبراس الـصـداره والرتـب ونـجـومـها الزهر
شهدناها كـما مـاشـاهـدوهـا اولـيـاء الابـصـار
غوامـض واقـعـيـه رمـزها مـقـفـول ومـشـفـر
لشفرات المثـقف مـن كــلام المـصطـفى اخبار
قصص قراّن واحاديث في مطـلـعـي والـمـندر
نخذها درع واقي لا غـزانـي عـلـم واسـتفسار
حـسـبـه الـعـادل الـفاروق جنب البيت والمنبر
فخاطبه النبي اني ( حجيجه ) لو ظهر له بار
ومـاقـــالـوه اّلـه والـصــحابـه نـور يـتـسـطـر
طـبـابــه لاتـكـالـبـن العـلــل ياالفارس المغوار
ثـوابـت كــون ونـكـدهـا يـــحـليـها كما السكر
وبـاب الـجـهـل هـدام الـبـنــاء ومـعـالم الاثار
وساحات الادب من حمم الــغـربــان تـتـنـكـر
تـنـكـار الحـشـيـم الـمـحـتــرم لـلائـمه والعار
ومن طوبه بلـيـه عـاحـنــاك الـسـود يتـخـبـر
عوايد اهلـنـا وحـنـا وراهــم نـكــمل المشوار