[ابواسمهان القعيطي]

اقتباس : المشاركة الأصلية كتبت بواسطة عبدالله الجعيدي [ مشاهدة المشاركة ]

((الاصلاح مثل المؤتمر)) =الإصلاح مثل المؤتمر ما من وراهم شي صــلاح =من يوم شفناهم لحد اليوم وإحنــا فــي صيــاح =بالقتل ذا يحكــم وذا يحكــم بتكسيــر الجنــاح =والنهب في دستورهم والظلم والســرقة تُبــاح =والدم منهــم في شوارعنــا طلــع ريحــه وفــاح =والطفل فوق الطفل منهم بالرصاص الحي طـاح =ضربوا مكلانا كما ضربــوا عــدن بأقــوى ســلاح =والقطن تضُرب مثل ماتضُرب تريم ارض السمـاح =ما حد سعى منهـم ولو مــرة لتضميــد الجــراح =والا شهد بالصدق في عمره وبالحق يــوم بــاح =وحــده بهــا ما يــوم حسينــا برغبــة وأنشــراح =شعبي من أول يوم له فيها فسخ عقــد النكــاح =يا من بغيتوها وهي طالــق لكم تحبــل سفــاح =ما حد لكم شرّع عمل مخـزي كمــا هــذا وبــاح =الا مشايــخ . مــن فتاويــهــم . بلــدنا تُستـبـاح =الحلو بالمـــر يخلطونـــه دوب والــجــد بالـــمزاح =ياشعبنا الحر الأبي قبل ان تموت اكبــح جمــاح =الظلــم وأعوانــه بحــد السيــف واذلاق الرمــاح =وارفع في الميــدان لاجل النصــر رايــات الكفــاح =حتــى جلا آخــر مُجنّــد مــن غثــاه الكل صــاح =ما با يحس بالأمــن أبــن أغلاء وطــن والارتيــاح =الا متى مـا حس (( بالشاخوف هو والبرقلاح )) =يمسي يحن من فوق خصمه في مجيّه والمراح =من أجــل حرّيتــك لــو خضّبــت كفّــك والوشـاح =بالـدم الاحمــر او رويــت الطيــن منّــه والبطــاح =يالــفارس المـغــوار لاتيآس صمُــد ضــد الريــاح =وان ما نجحـت اليــوم بكــره با يحالفــك النجــاح =في أخذ حقك من عدو عرضك له أصبح مستباح =لا من عوي تفــزع ولاتفــزع مــن اصــوات النبـاح =نصرك قُرب وقته ونوره في السماء شعشع ولاح =والليل مهمــا طــال لابــد مايجي بعــده صبــاح =واي طاغية لو قام ضده شعب من عرشـه نــزاح =لــو قالــوا الأحــرار في الميــدان حيــا ع الفــلاح =((( شعر أخوكم/ عبدالله مبارك الجعيدي ))) )

كلمات مكتوبه بماء الذهب نحت جميل
طرح واضح قصد قوي توجيه قاتل
للخون والفاسدين
صح الله لسانك لقد أبدعت
اخي عبدالله الجعيدي