[عابرة سبيل]

اقتباس : المشاركة الأصلية كتبت بواسطة ابوحضرموت الكثيري [ مشاهدة المشاركة ]

بداية أشكرك كثير على المعلومات الرائعة بالعاكس خذي راحتك وبالتفصييييل والسركاية الحضرمية وبوصفتك أحلى حلا أكيييييد ..

من اسمها كريم كراميل cream caramel
اي تتكون من جزئين الكريم والكراميل وهو السكر المحروق

والكريم كراميل لها نوعين :
النوع الاصلي وهو ما يسمى بالكريم كراميل الانجليزي لانها حلوى انجليزيه معروفه ,,ويصنع من المواد الاساسيه

والكريم كراميل المصنع اللي نحن نشتريه في بكتات وهو تقليد للاصلي او الطريقه السريعه لكنه طبعا مش طيب مثل الاصلي

الطريقه او في صينيه صغيره او قدر صغير تحط فنجان سكر وتحطه على النار,,,تحركه الى ان يصبح بني فاتح وبعدين تحطه على جنب وهذا هو الكراميل او السكر المحروق

الان في الخلاط الكهربائي واللي هو الجيك حق الخلط تحط فنجان سكر,,,ممكن تزيد او تنقص ملعقه حسب رغبتك لحلاة السركايه وتضيف عليها علبه حليب مركز اللي هو البوني او ابوعلم او الكارنيشن وبيضتين وشوية هيل وكم خيط زعفران

اخلطها بالخلاط لمدة 2-3 دقيقه ثم صفيها في الصينيه اللي فيها الكراميل وغطيها بالقصدير,,,حط الصينيه في حمام مائي,,,يعني في صينيه فيها مويه,,

وحطها في الفرن لمدة 25-30 دقيقه,,,وبعدين نزلها وخليها تبرد تماما في الثلاجه..

الان تجيب صحن مسطح ويكون اكبر شويه من الصينيه وتقلب فيه السركايه,,,بيصير الكراميل او السكر المحروق من فوق ويكون باقي السائل اللي تكون من هالسكر حواليها

جدا لذيذه وخفيفه ودائما اذا فيه مريض في فترة نقاهه ويحتاح لاكله ذات سعرات عاليه وما تحتاج هضم كثير فانا انصح بها او بالكاسترد اللي نحن نسميه التطلي

انا الان بعيده عن بيتي,,,بس ارجع ابشر بعزك وانزلها لك بالصور كمان

تحياتي