[قلب وااافي]

بسم الله الرحمن الرحيم
السلام عليكم ورحمة الله وبركاته


كيفكم عساكم بخير ومتعافين أن شاء الله
اليوم حبيت اقدم لكم عصيدتنا الحضرمية الشعبية والقيمة
العصيد بطريقه قريبتي الغالية أم مرعي بارك الله فيها
اتنمى تكون سهلا عليكم و تعجبكم عسى ربي يسعدكم




المقادير :

كيلو تمر
خمسة أكواب بر (دقيق أحمر)
نصف كوب حيدوان مطحون طحناً ناعماً (

)الحيدوان نوع من الاعشاب معروف في حضرموت )



زيت معصر ) زيت السمسم )



الطريقة :

ننقع التمر في ماء دافئة أو حارة من الليل حتى الصباح وبالإمكان اقل من كذا حسب طراوة التمر .بعد النقع نضع التمر في مصفى ونخرج نواة التمر ونضغط التمر بأيدينا عشان يخرج الرب حق التمر ويتخلص من القشر والنواة مايبقى غير لب التمر
تضيفي شوية ماء علشان يتصفى كويس نضعه بعد ذلك التمر اللي صفيناه في قدر ونضعه على النار وننحط عليه رشة ملح
وبعدين لما يغلي شوي نشيل الرغوة اللي تطلع من التمربعدين نشيل نصفه ونخليه على جنب والنصف الثاني في القدر



نضيف الحيدوان المطحون الى مقدار الدقيق ونخلطه



( الماء الموجود في القدر يكون موازن لكمية الدقيق ) نضع الدقيق والحيدوان شوي شوي على التمر (طبعاً هذا التمر سائل لأنه تمر وماء معاه مخلوط .. لأنه لما صفيناه من قبل حطينا معاه ماء عشان نقدر نصفيه ) نحط الدقيق شوي شوي على المديد ( التمر ) ونحركه ويصير كتله وحده عشان مايتكتل طبعاً في هاذي الحالة يكون مش على النار تحطين القدر على الأرض وتحركين كل شويه .. طبعاً التحريك متعب ويحتاج قوة ..

والتحريك مايكون بملعقة يكون بعصا حق العصيد



بعد ماتحركيه كويس رجعيه على النار واعملي فيه حفر بالعصا وحطي شوي من المديد اللي خلتيه على جنب وحطي منه شوي وارجعي حركيه شوي وهو على النار وبعدين حركيه ولما تشوفيه ثقل شوي خرجيه واعصيديه وهو على الأرض وتحركيه كويس
وتكرري الطريقة من جديد ترجعيه على النار وتحطي شوية مديد وتكررين نفس الطريقة




بعدين إذا شفتي العصيدة صارت لينه مش رطبه كثير ولا قاسية تكون مرنه ومافيها كتل طبعاً
بعد كذا تحطين ملعقتين زيت سمسم عليها في القدر وتعصديها شوي وبعدين شيلي شوية من العصيدة في صحن وادهني اصابعك بشوية زيت ورتبي شكل العصيدة في الصحن واعملي حفرة بالنص وحطي شوية زيت سمسم ...


بهنا وعافيه عسى ربي يسعدكم

.
.
.