[حسن محمد سالم باقديم]

هذه القصيده للشاعر عبدالعزيز بن مبخوت بن شريشر النهدي ( الواقعي )

اقتباس : المشاركة الأصلية كتبت بواسطة الواقعي [ مشاهدة المشاركة ]

طرت عالبال قصة باشقابه=واقضت مضجعي خلتني اسهر حكايه تلحق الهم والكآبه=عن المهتوف راعي الحظ لقشر مسلسل كل حلقاته تشابه=وكل مشهد عن السابق مكرر مضت لحداث تمشي في رتابه=وانا تابعت والخاطر مكدر بدت نكبته من مقدم شبابه=وكل ماله كبر نكبته تكبر خلق في قطر مرت عا ترابه=حظارة عاد والقوا فيه منكر ولا خافوا من الله وعقابه=وكفروا بالقضاء هو والمقدر فحلّت بارضهم لعنة عذابه=وهبت عا وطنهم ريح صرصر منازلهم جعلها الله خرابه=وهو فيها سكن واسس وعمر فاصابه من وراها ما اصابه=نزل في دار منها الله حذّر رحل عنها وشد منها ركابه=فخاض البحر بعد المشي فالبر محيط الهند لي كلن يهابه=عبر وسطه على هوري مكسّر بريق النجم بالليل اهتدابه=وبانوار الأمل لا النجم غدّر وموج البحر لاتلاطم عبابه=ذكر خالقه سبحانه وكبر ومد ليدي لدعوه مستجابه=تهدي عاصفة طوفان زمجر ولو شاف البصر بر التجابه=وبين اهله بناء مسجد منور على منهج محمد والصحابه=دعاء للخير والتقواء وبشر عطاه الله ذكاء زائد نجابه=وقوة عزم زائد ع المقرر بلاد الهند لي فيها الذيابه=عمد فيها وصار الذئب لشقر يهابن كل ما نظرن لنابه=ويقفن كل ما للناب كشّر وسلطان الملايو فك بابه=وفتحت له فطاني لي مصكر وسكان الجزر سمعوا خطابه=ولبوا دعوة النور المسطر وشرق افريقيا لبّت هضابه=نداء ساحله لي ع ايده تحضر بلغ للصين سلطان انتدابه=وموزمبيق هي والراس لخضر ولكن للزمان الف انقلابه=كفا المؤمن زمانه لا تنكر رضي بالهم والهم ما رضابه=مكانه والشقابه كر في فر كأن دهره فرض حوله رقابه=تلاحقه المصائب حيث ما مر وكل ما دلهمت فوقه سحابه=نذاها شعف من حدرى وشعفر عن الاوطان قد طال اغترابه= ومن مهجر تنقل صوب مهجر تشوق للوطن حيث انتسابه=لان لخبار قالت قد تحرر وكل ثروته في صرّه ثيابه=وفي كسعته لا ابيض ولاصفر رجع من بعد ما طول غيابه=ولكن ما لحق شي قد تغير وجرحه زاد نزفه والتهابه=من الوضع الردي والحال لغبر تصادر نصف من كل ما ضوابه=من الخلقان والبز المشعطر لان الدار تحكمها عصابه=علمهم في وسطه النجم لحمر من الصدمه بدا يفقد صوابه=ومن واقعه لي بالفعل يقهر لجيرانه توجه والقرابه=على جال الحرم راضي ومستر بني عمه وربعه والنسابه=بلاد الخير حيث النفط يزغر ولكن حيهم نبحت كلابه=على المهتوف كل ما اقبل ودبّر وحطوا له حنش داخل جرابه=فعوّد هذه المره مسفّر وما حل بالوطن كلن درابه=على يد لي يخرب دار بصعر غلط كله من الأول حسابه=سرح وقّع وهو ما كان مضطر وضوا قوم ترعى في شعابه=جراد احمر كل اليابس ولخضر وختم القول عند الله ثوابه=ومن يصبر على التمحيص يؤجر تمحص في حياته باشقابه= الا يالله يتعوض ويضفر

[CENTER]وهذا الجواب ل حسن محمد سالم باقديم حررت بتاريخ 7/5/2013م

حرفت العين لارافع حجابه = ونسئله الورع والذنب يغفر
وراجي رحمته واخشى عذابه=وخوف الله منه العبد يظفر
وصلوا عد هطال السحابه = على احمد صاحب القبر المنور
وعاالانساب واّله والصحابه=ابا الحسنين والصديق وعمر
وذو النورين ذي ماله هدابه=لنصر الدين في الخندق وخيبر
صحابه وازروا الحق باالصلابه=لحتى باب كل ملحد تكسر
على بندر عمر ظهرت سحابه=تلمع برقها والرعد زمجر
مزوع سيلها باطن شعابه=عصف باالعلب والمشطه وحدر
بصنعة انقلن وقت الطلابه =بدقلات القصب كلين عشر
طياب الريح وطهور الجنابه = مكارم من عظيم الشان لاكبر
هلا باالشعر واهله مرحبابه=وبااهل عنيبده وحصون تشهر
شهير الصيت ومثاوي مهابه=وشاعر في معانيه تنزر
عصرني من حكاية باشقابه=كما الجلجل ودورات المخور
على الارض التي نالت عقابه=ولااهل الصافنه تاريخ يذكر
وحق القول عامن قل ثوابه=وقل اجره كما الحزمه تنعثر
وكل ماشل مثقل ماوشابه=ولا مصرى لحق منه وميزر
صبح حامل لباغشوه جرابه=حمله الموج عاالوح المدسر
قوارع كسرت عوده وطابه=وباالمغموم نذت والمفور
وجاها مقس من جنح الغرابه=وبغي النفس منه السعد دبر
ونفش الريش عاالنفس المصابه=يجيب المقت والميسور يعسر
خزب مطروح لو شي فيه ثابه=سقت لاجرات باسعدي وسعمر
وللقبه دخل حزب النقابه=وهل هادون في ليلة 12
وبين الطير والاخر تشابه = على اشباهها تقعوا وتزعر
قدرها والعمل للذري جابه = صبح ينقف على الحب المطير
بلا شارح ولا عاقل وغابه=اسوداً كاسره ( للغير ) تزئر
خلوا اسادها من غير لابه=جزاء اعمالهم باالواقع اسفر
اصبت الحظف يامولى الرتابه=وباالاحداث انت اعلم واخبر
وبين الاخذ والرد والدعابه=بصدق القول لك كوبه ومسطر
لنا انوار وهدى في كتابه = بليلة قدر انزلها وبشر
ولا للياس خيمه والكائبه = ودين امة محمد نهر يزغر
رفع كف التضرع والاينابه=ودعوة خير تكفح اّفة الشر
وتصلح كل موزع من خرابه=تجنبه الحنش والسوس والذر
وسلمتها تهيض والكزابه=وقرضتها دواء من باس ينغر
وهذا ردنا هو والاجابه=كفاء ولا معي مهجوس اغبر
وسط راسي يحن مثل الربابه=ولا صادم رعه عيفه تشفر