[سالم باخضره]

يــــــــــــــاالله .
يــامــقــضـي الـــحــاجــات يــاقــاضــي .

**
بـاخـضـره ايـقـول يـكـفي مــن تـحـفاضي
الـفـايده ايــه ؟ مــن فـهمي ومـن حـفضي


يـاهـاجـسي قــل لـبـدري بـاالأمـل يـاضـي
وقــل لـشـمس الـضـحيه بـعـد لـيـلي ضـي


بــاابــدع الــقــول عــلـى لــحـن غـيـاضـي
مــادام جـمـر الـغضى فـي داخـلي يـغضي


يــــاالله يـامـقـضـي الـحـاجـات يـاقـاضـي
بــاالـخـيـر لازادت الــشــده لــنــا تــقـضـي


رضـــاي يـــارب ! اذا انــتـه عــلـي راضــي
مـــا طــالـب الا رضـــاك وانــتـه الـمـرضي


فـــي لـيـله الـعـيد اذكــر عـيـدي الـمـاضي
الـعـمـر يـمـضي وسـاعـات الـزمـن تـمـضي


الـعـام عـيـدي . شـجن احـترقت ايـراضي
وذا الـسـنـه كــارثـة فـيـضان فــي ارضــي


وانــهـد ســدي وانـهـدت عـلـي احـواضـي
وحـسـبي الله فــي ذا الـوقت مـن حـضي


مــــن بـايـعـالـج مـصـاويـبـي وامــراضــي
هـل عطف من ذي يباني موت في مرضي


الـشـعـر مــاهـو كـــلام وهــرج عـاالـفاضي
والـقـاف حـكـمه إلـى غـاية شـرف يـفضي


والـخـتم . الـمـدعي يـشـكي مــن الـقاضي
والـعدل يشكي القضاء ياالقاضي المقضي

**
عـيـدكم مـبـارك وكــل عـام وانـتم بـخير .
سالم احمد بلخير باخضره ..

**