03-03-2003, 10:17 PM
|
#1
|
حال نشيط
|
عاد اللقاء ما بيننا يا راد يا عواد !!!!!!!!!
[poet font="Simplified Arabic,4,red,normal,normal" bkcolor="" bkimage="" border="none,2,crimson" type=0 line=200% align=center use=sp char="" num="0,darkred"]
عاد اللقاء ما بيننا يا راد يا عواد
***** #####
عاد اللقاء ما بيننا والا نس لي عود
والراس له عاده اذا عاد اللقاء نود
حتى اليالي لونها معاد لون اسود
وتحقق الميعاد
انا بورد البحر الذي فيه الدرر توجد
اورد فهذا بحر عبد القادر ابن احمد
سليل بيت المجد تا ج العصر يا اوحد
وخليفة الا جداد
كم كنت اتمنى اشاهد ذلك المشهد
لي فيه انوار النبي والال تتجدد
وفيه كم من اولياء للاولياء تعقد
وتقام به الا عياد
وفيه اسرار المهاجر والفقيه الجد
واولا ده السقاف والمحضار حامي الحد
والشيخ ابوبكر الذي فيض العطاء يمتد
منه الى الا ولاد
هم لي اعتنوا به في الصغر من ساعة المولد
واعطوه من اسرارهم ما يا يطلبه وازيد
وعليه يتعنى بنا في اليوم ذا والغد
يقسم لنا في الزاد
هم قدوتي وعقيدتي والسول والمقصد
قبل ايا ديهم دواما عبر هذه اليد
واستشعر ان الجمع تم كله في المبرد
بالنص والا سناد
يا مفرد ايا مك وتاج العصر يا اوحد
من شاهد انوارك وحسنك قال مالك نـد
من بعد اسلا فك لنا فيك الغنى والسد
والله لنا بك جاد
دركاه شوني فوق جرفي كاد ان يهتد
لي ما يجرونه هله ما با يجره حد
حا شا تكيلوني الا سعدون او مسعد
ما منهن انقاذ
ما حد لنا من غيركم يا سيدي ما حد
ياخذ با ايدينا اذا حان البلاء واشتد
لكم شفاعه عند مولى العرش ماترتد
وتقرب الا بعاد
متى اشوفك في تريم الخير تتهجد
وتمد في سفح الطويله لي بساطك مد
وفي حريظه والقويره تر عش المقعد
واستقبلك بسعاد
الله يحقق لي الا ماني علني اسعد
بالقرب من اهلي فقد طال الجفاء والصد
عدني اليهم يا صمد فالعود لي احمد
والشوق عندي زاد
والختم صلوا عالنبي الهادي امحمد
صلاه ماشي حصر يحصرها ولاشي عد
واهله مصابيح الدجى ما فاح عرف الند
واصحابه الا مجاد
[/poet]
|
|
|
|
|