ابديت بك يا الواحد الفرد الصمد=يامن جعلت العدل نعمه في الحياه
احمدك جم واشكرك ياواحد احد= يا ملبي الداعي الى عبده دعاه
يارب توفقني طريقي يد بيد =ونكون عادل مش كما بعض القضاه
لي يحكمو العالم ملاعين الكبد=كوفي ومن مثله ومن يجلس معاه
لي ضيعو بلدان ياكمن بلد =واخر بلد بقرارهم كافر غزاه
ذا باب والثاني عمر بعد القهد=علق ميازين العداله يوم جاه
مد عدله مجمل ولا عندي قصد=في ما كتب هجسه وبن موكا قراه
ونا قريته الف مره با العمد =ما شفت اسم المدعي واسمي كماه
وقلت في هذا نبا اخذن ورد=قبل اشتكي حصلت بن موكا اشتكاه
جاء رد مجمل عا الشكيه معتمد=فيه الكلام الزين يعجب لي تباه
عدت القرايه الف مره اوزيد=واخر اقرايه بها جات البداه
وقلت كيف اقراء اظن اني رمد=ماشفت كلمه لي بها طوق النجاه
الغائبين الفصل في كفتن ومد=كلمه لها معنى تحدد الاتجاه
زايد عداله بيدنا يابو حمد =والهرج لي يخرج من العين القذاه
حكمي براءه يامجمل تعتمد=ومسؤل عن حكمي كما قاضي القضاه
وبن مخاشن عارف انه مستعد=يقبل بحكم الذيب تاكيد البراءه
هذاالذي في حسب ظني واعتقد=انه عداله يشهد الله في سماه