| اقتباس :
المشاركة الأصلية كتبت بواسطة قلب وااافي
[ مشاهدة المشاركة ]
|
السلام عليكم ورحمة الله وبركاته
بقدم لكم خلطة غييير
اكييد سمعتو عنها خلطة لتطويل الشعر وتكثيفه
خلطة الفلفل الرومي والزيت الزيتون
مجربة لاتخافون ومضمونه بأذن الله تنفعك مضرك
المقادير :
1 زيت زيتون والافضل الوزير
3 الى 4 حبات فلفل رومي اخضر بارد
الطريقة :
اول شي تبشرين الفلفل الاخضر الرومي
أو تقطعي مكعبات صغيرة جداً
بعدين حطيها بعلبة ماي صحه فاضيه
او بعلبة البيبسي العائله او علبه عصير
المهم دبري حالك
وضيفي عليها الزيت زيتون
وخليها تتنقع منـ اسبوع او عشر ايام تتركينه بالعلبة يتخمر ..
وبعد مرور اسبوع
صفيها بعلبه ثانيه
وحطيها بشعرك مرتين او 3 مرات بالاسبوع
لمده ماتقل عن 2 ساعات ولاتزيد على 4 ساعات
وترى هذي الطريقه مضمونه ..
بس انتبهي لا تحطين فلفل حار لا انتبهي حطي بارد
وعسى ربي يسعدكم ويبارفيكم
يوفقكم ربي ويرزقكم وينولكم اللي في بالكم
.
.
.
|
|
قلب وافي:
يا حبي لك ولوصفاتك الخطيره.
بس عندي اضافه بسيطه,,,ترى هالوصفه قراتها من فتره طويله وكانت اللي حطتها قالت بانها بالفلفل الحار بس تزيلين البذور.
والعبره بانه يقال بانه الفلفل ينشط فروة الراس..
لا تستغربين انا اشوف وصفات وهبال ما انزل الله به من سلطان..
قبل فتره البنات طاحوا في سالفة يغسلون شعرهم ببول الابل,,,اعرف بتنصدمين ,,,لكن هاذي حقيقه ...ووصل سعر الجالون منه الى 300 ريال سعودي...
كذلك زيت الزيتون ترى مش كل شعر يناسبه لانه حار,,,زيت الزيتون ممتاز للجسم وللبشره ولو احط لك استخدامته يمكن يحتاج موضوع منفصل..
لكن الشعر ما انصحك به لانه مثل ما قلت حار وممكن يطيح الشعر.
من تجربتي الخاصه افضل زيت للشعر المصبوغ هو زيت الذره...تعرفين زيت عافيه تراه افضل شئ له.
اما الشعر الغير مصبوغ فزيت النارجيل
القديم اللي يجئ في علب قيمتها خمسة ريالات..
وانا استغرب لانه البنات محتارين بنفسهم,,,يبغون شعر طويل وطول الوقت وهم يقصون بشعرهم..
ويوم طويل ويوم قصير ويوم قصة الفراوله ويوم قصة الاناناسه...
وفعلا بلشه,,,
واما الخلطات فلا يهمك,,صرت خبيره من كثر ما اسوي,,,ليش ما اعرف..
لاني مش محتاجه لها,,,بس اذا ما لقيت شئ اسويه اقعد اتسلى بهالخلطات ..
اخواتي يضحكون علي,,,يقولون ترى بتصلعين وصاحبتي تقول وايش لك ولهالسوالف..
اقول لها طمع بعيد عنك..
عموما,,,نشكرك لهالمواضيع الجميله والصور الاكثر من رائعه............................................. .الله يعطيك العافيه يارب ولا يحرمنا من مواضيعك القيمه.