[خالد دغاري]

ناخذ بخـاطر نـفوس الـــهم تـــاعـبها
وياكم خواطر إذا انكــــــسرت نداريها
وقلــــوبنا تشــتكي والـــــهم غالـبـها
ماحد سـوا الله وحــــــده بـــايـداريـها

النفس يا صـاحبي غـاية مـطـــــالبها
راحة ، سكينة ، وشخصٍ حاسٍ فيها
ومن صبّ كاس الجفاء لابد يشــربها
وبترد له كاسه اللي كان يســـــــقيها

لا تطــــــــلب الود من ناس وتطالبها
بالإهتمام الـــــــــــذي له أنت معطيها
بتكون مثل الذي قد قال كاتـــــــــــبها
جايشمها بالغلط قد كـــــاد يــــــعميها

واسلك طريق المعزة لا تجــــــــــنبها
واحذر طريق المذلة لا تــــــــــــعديها
كرامتك راس مالك وانـــــــت أحسبها
واحسب حسابك لأي خطوات تمشيها

واكبح جماح الهوى للنفس واغصبها
لاتعـود النـفــــس عـاكل شـي تعطيها
واصبر وصـــابر وخل الصبر مذهبها
الصبر الى قــــوة الإيـمان يـهديــــها

وضروفنا كالمـراكب غـصب نـركبها
تبحـر بـنا في غبب غـــــصبا نعديها
والموج مثل الجبال الـشمّ مــصعبها
متمسكين ابحبال الله منــــــــــــشيها

ماعد درينــا هــل الإذلال مطلــــــبها
والا علــينا فضــيلة نبــتلي فيــــــها
الجودي اللي رست به صار يرعبـها
لكن على الله مرســـاها ومجــريـــها

مرات تعصف بنا واحيان نغلبـــــهـا
ماشي لنا غير رب العرش نشــكيهـا
والأرض ماشي درينا أيش صار بها
ماهـــي كــما زام أول خيرها فيــهـا

نصــبر نكــابر ونمشي في مــناكبها
وارزاقــنا فــي يــد الرحــمن بـاريها
الناس من حولها عـــقدت تكالـــبها
فنسـأل اللـه يحفـظها ويحـــــــميـها

والحــظ دايــم علينا صدق لاعــــبها
كلمــا تبــتت تــجي أزمـــة تعكّيـهــا
ونحنا نــحاول نبتّــي من تشـــعبـها
بالحكمة اللي وصفنا الهاشـمي فيها

رقّة بوسط قلوبنا الرحمن كاتـــــبها
وياكم خواطر إذا انكسرت نداريــــها
وقلوبنا لو شـكت والصـبر غالــبــها
الواحد الـفرد وحـده بايـداريــــــــــها

خالد دغاري