[روح زايد]

ياكثر ماشلت فى قلبى عليك .. ياكثر ما قلت ماسامح خطاك
من اشوفه ترجف اضلوعى تبيك .. واثر هذا كله من حرة هواك
اخلق الاعذار من لمسة ايديك .. والمس جروحى واداريها دواك
قوتي ضعفى وضعفي انى ابيك .. وانت عارف انى ما اعشق سواك

ابتليت بحب جعله يبتليك .. ويا عساك تذوق حراتي معاك
اذكر انك ما تنام الا اجيك .. صيرت انا الحين ما اغفى بلاك
ما ابيك اليوم وباكر احتريك .. واللى بعده واللى بعده ياملاك
حسبى الله على الهوى وحسبى عليك .. الله ياخذنى والا انه خذاك