[حنطبه]

من استراحة إلى استراحة

SIZE="5"]

قال الشاعر الكبير عبدالله محمد باصره

:[/SIZE]

امس خرعوب قابلته ومظهره راقي = والحرس بالبدل والشاره العسكريه
سرت بعده على رجلي وكلفت ساقي = قلت باشوف من هذا مروح عشيه
واتفقنا في السكه وعند اتفاقي = قلت من واجبي سلم ورد التحيه
وجاب كلمه حفتني قال لايارفاقي = مدو الآدمي من جم ماهو شويه
قلت له قصدي الا المعرفه والتلاقي = لاتمدون لي صدقه ولابا هديه
شط بعينه ولاناسبه منظر خلاقي = منظر البدو ذيهم في الشعاب الخليه
قال مسكين شكلك شكل عامل وشاقي = مامعك حال يتحمل عذاب الهويه
مل من الدرب لتعكر عتوم السواقي = اهلها عمروها بالقروش النقيه
والعمامه عمامه والطواقي طواقي = والسلاطين ماهم في مقام الرعيه
قلت له كل محرم مادخل في شداقي = عاد لي نفس حره في المحبه ابيه
واعرف الناس ذا مصري وهذا عراقي = قول ذا من حلب أو ذا من اللاذقيه
واعرف الخمر له في البار نادل وساقي = كن راسي غلب مولى الشروع الوفيه
والذي يعدل امزاجي ويعجب مذاقي = طعم فنجان بن من دله الشادليه
الى هنا وافترقنا وانما الجبر باقي = لاكرهته ولاظنيت يحقد عليه

مداخلتي ..قلت

:

هاج خاطري ماوصلني وزاد اشتياقي = دق ناقوس ذكرى في عماقي خفيه
صرت خمس وسدس .كيف تم اختراقي = رغم سهم المحب خالي الوجع والاذيه
والالم بعد مايودع واما فراقي = اترك الوصف له ماقال مقبول فيه
ماسبق فصل والآخر اذا الدرع واقي = ماتأثر رصاصه جات من بندقيه
وانما ابتسامه بعد نظره خناقي = يرتخي شوي لكن بعد روحه وجيه
ينتهي كل شي بعد اللقاء والعناقي = والمحبه تثبتها النوايا البريه
تلتصق في جدار القلب حيث انطلاقي = للهويه ورغم ان الهويه بليه
عادروب الهويه لو بايكون احتراقي = اقتحمها وماعول بها لو سريه
من شلبتي يصعب عاعذولي لحاقي = كل مبعد بساق الرجل اعطيه طيه
وانما اليوم اذعاني لثقل انبثاقي = بعدما كنت حف وخفيف عالموج حيه
تاه خيلي وتاهت في الصحاري براقي = من غبار الزمن دثر طريقي البتيه
كلما جيت باجدد اسس من وثاقي = اوقفتني روابط في المحبه قويه
انبتت ارض واديي وسالت صياقي = من مديني قطف واقطف من العشدليه